Fileto peshku të kuq (ose Bas i kuq) në salcë spinaqi

Nëse përdorim fileto peshku të freskëta, i thajmë pak me letër kuzhine. Nëse përdorim fileto peshku të ngrira, i lëmë per 4-5 orë të shkrijnë në temperaturë ambjenti, apo gjithë natën në frigorifer, dhe më pas eleminojmë lëngjet që kanë lëshuar duke i tharë me letër kuzhine.

Në një enë, përziejmë pak miell me kripë e piper dhe kalojmë filetot e peshkut duke i lyer mirë nga të gjitha anët. I skuqim për pak minuta nga të dyja anët në vaj vegjetal (luledielli, misri etj), por jo vaj ulliri ose gjalp, pasi i ndryshon plotësisht shijen peshkut. Filetot e peshkut duhet të gatuhen në zjarr mesatar-në të ulët që të bëhen krokant jashtë dhe të butë në brendësi.

Kavërdisim në pak gjalpë qepë e grirë hollë, shtojmë spinaqin e larë dhe të prerë hollë dhe e lëmë derisa të bjeri vëllimi. E rregullojmë me kripë, piper dhe pak krem pana. Shija e të dyjave shkon mrekullisht me njëra tjetrën!