Përbërësit
-
...për brumin e picës:
-
500 gr miell
-
7 gr maja birre të thatë
-
1 gotë të madhe ujë i ngrohtë
-
3 lugë gjelle vaj ulliri
-
1 lugë kafe kripë
-
1 lugë kafe sheqer
-
...për salcën e picës:
-
400 gr salcë domatesh
-
1 lugë kafe hudhër pluhur
-
1 lugë kafe rigon i thatë
-
1 lugë gjelle vaj ulliri
-
kripë
-
...tjetër (sipas dëshirës):
-
250 gr djathë i grirë vegan
-
10 kokrra domate të vogla
-
disa gjethe borzilok i freskët
Udhëzimet
Hapat
|
1
Kryer
|
Pregatisim brumin e picës (ky brumë përdoret për të gjitha llojet e picave)Në gotën me ujë të ngrohtë shkrijmë majanë e birrës dhe sheqerin duke i përzierë mirë. E mbulojmë sipërfaqen e gotës dhe e lëmë për rreth 10 minuta, derisa të shohim që në sipërfaqe janë formuar flluska. Sheqeri ndihmon majanë e birrës që të aktivizohet më shpejtë dhe krijon pjesën kërce kur pica piqet. I hapim miellit një gropë në mes ku shtojmë kripën dhe vajin e ullirit duke i përzierë mirë. Hedhim pak nga pak ujin e ngrohtë me maja birre dhe e punojmë brumin mbi tavolinën e punës per 8-10 minuta. Ky hap është shumë i rëndësishëm pasi e bën brumin mjaft elastik. Nëse keni robot kuzhine, punojeni aty brumin në shpejtësi pothuajse minimale (gradacioni 2). Mbajmë gjithmonë pak miell afër vetes në rast se brumi ngjit në duar. Në fund, brumi duhet të jetë elastik, i butë dhe jo i ngjitshëm. E lëmë të pushojë për rreth 2 orë të mbuluar me një pecetë të pastër derisa të dyfishojë vëllimin e tij. |
|
2
Kryer
|
Pregatisim salcën e picës:I japim shije salcës së domateve me kripë, rigon, hudhër dhe vaj ulliri duke e përzierë mirë. |
|
3
Kryer
|
Pregatisim picën:E ndajmë brumin në katër pjesë dhe i japim formën e dëshiruar me dorë, duke patur kujdes të ngrejmë pak anët e picës në mënyrë që gjatë pjekies mbushja mos të na dalë jashtë. Përhapim pak salcë domatesh me erëza sipër saj, djathin e grirë dhe domatet e vogla. E pjekim në furrë të parangrohur në 250°C për 12-15 minuta, derisa të marrë ngjyrë të bukur. E lëmë të ftohet pak dhe e shërbejmë të prerë në trekëndëshe. |
