Përbërësit
-
500 gr mish i grirë viçi
-
1 kungull i njomëi vogël
-
1 spec jeshil
-
1 qepë
-
1 vezë
-
sa të lidhet brumi bukë e tharë e grirë
-
për skuqje vaj luledielli
-
1/2 tufe majdanoz i freskët
-
pak miell
-
kripë
-
piper i zi i sapobluar
Udhëzimet
Qoftet janë një nga gatimet e preferuara të familjes sonë, të cilat im bir mund ti hajë çdo ditë dhe të mos thotë kurrë fjalën që ne nënat nuk do donim ta dëgjonim: “nuk dua më”! Pas shumë eksperimenteve duke shtuar apo hequr përbërës të ndryshëm, përfundimisht kjo është receta të cilën unë e ruaj me fanatizëm dhe sot po e ndaj me ju. Sekreti për një shije fantastike qëndron tek një përbërës: speci jeshil i grirë! Po po! Mishi i grirë me qepën dhe specin formojnë një treshe përbërësish fantastike! Unë i shtoj edhe pak kungull të njomë të grirë shumë hollë, duke dashur kështu të fus sa më shumë perime në përditshmërinë tonë.
Hapat
|
1
Kryer
|
Në një tas të thellë, bashkojmë mishin e grirë me vezën dhe me qepën, specin, kungullin të kaluar në mikser. Shtojmë kripë, piper të zi të sapobluar dhe majdanozin e grirë hollë. I përziejmë mirë me dorë, dhe nëse brumi i qofteve rezulton pak i lagësht (nuk duhet të ngjisi në duar), shtojmë 2-3 lugë bukë të tharë të thërrmuar. I bashkojmë shumë mirë të gjithë përbërësit dhe i lëmë të marrin shije për 30 minuta-1 orë në frigorifer. |
|
2
Kryer
|
Me duar të lagura, formojmë qofte të vogla, i kalojmë në miell dhe i skuqim në vaj luledielli të nxehtë derisa të marrin ngjyrë të artë nga të dyja anët. I heqim nga tigani dhe i vendosim mbi letra kuzhine për ti thithur vajin e tepërt. I shërbejmë me pilaf, patate të skuqura ose pure patatesh dhe sallatë jeshile. |
