Tag Archives: Receta për qofte

Makarona me qofte të vogla

  • Racione: 4 persona
  • Vështirësi: e thjeshtë
  • Shtype
makarona-me-qofte-te-vogla1.jpg

Nuk besoj se ka ndonje qe nuk e ka pare filmin vizatimor Lili dhe Vagabondi, skenen kur te dy hane makarona me qofte te vogla nga e njejta pjate dhe aty dashurohen! Pikerisht nga kjo u nisa kur vendosa te gatuaj kete recete, dhe eshte nje nga menyrat me te mira per ti bere femijet te hane mishin. Receta eshte amerikane, edhe pse ka ardhur ne Amerike nga emigrantet italiane ne 1920 (dhe nuk kishte si te ndodhte ndryshe nese behet fjale per makaronat!)

Perberesit

  • 350gr makarona te gjata
  • djathe kaçkavall i grire

…per qoftet e vogla

  • 500gr mish i grire viçi
  • 1/2 qepe, e grire shume holle
  • 2 feta buke te lagura ne qumesht, vetem tulin
  • 1 veze
  • nje luge kafe hudher pluhur
  • kripe
  • piper te zi te sapobluar

…per salcen e makaronave

  • 1/2 qepe, e grire shume holle
  • 400ml salce domatesh
  • 1 dore borzilok i fresket, i prere holle
  • vaj ulliri

Pregatisim brumin e qofteve duke bashkuar ne nje tas mishin e grire me qepen, vezen, tulin e bukes te shtrydhur fort nga qumeshti, hudhren, kripen dhe piperin. E leme masen te pushoje per minimumi gjysme ore ne frigorifer mbuluar me leter celofoni.
Pasi ka kaluar kjo kohe, me duar te lagura marrim pak nga brumi i qofteve dhe i japim forme te rrumbullaket me madhesi sa nje kokerr arre. I skuqim ne zjarr mesatar ne pak vaj ulliri derisa te marrin ngjyre te arte nga te gjitha anet dhe i leme menjane.

Pregatisim salcen e makaronave duke kaverdisur ne vaj ulliri qepen e grire derisa te zbutet, shtojme salcen e domateve, borzilokun dhe se fundi hedhim brenda qoftet me kujdes. I veme kapakun dhe i leme te gatuhen per 10-15 minuta ne zjarr te ulet.

Ziejme makaronat ne uje me kripe derisa te rezultojne “al dente”. Me pas i kullojme dhe i sperkasim me pak vaj ulliri ne menyre qe te mos ngjiten.

Ne pjate, hedhim makaronat e bardhe dhe siper salcen me domate dhe qofte te vogla. I sperkasim me pak djathe kaçkavall te grire dhe i zbukurojme me gjethe borziloku.

Advertisements

Qofte me mish pule

  • Racione: 4-6 persona
  • Vështirësi: e thjeshtë
  • Shtype

Nese ju ka mbetur pule e pjekur ose e ziere nga nje dite me pare, mos e hidhni! Riciklojeni duke gatuar keto qofte te shijshme me baze mishin e pules dhe patatet e ziera. Pregatisni edhe nje sallate dhe vakti juaj mund te quhet i plote! Ne vend te pules mund te perdorni edhe mish gjel deti, sidomos ate qe ka mbetur nga festat e fundvitit.

Perberesit per 20 qofte

  • 500gr mish pule, i pjekur ose i ziere
  • 2 patate te ziera, te shtypura
  • 2 veze
  • 4 luge djath kaçkavall te grire
  • galete
  • majdanoz te fresket, te grire holle
  • kripe
  • miell
  • vaj farash per skuqje

Presim mishin e pules shume holle me ndihmen e nje thike te mprehte (ose e kalojme ne mikser) dhe e hedhim ne nje ene. Shtojme patatet e shtypura, vezet, djathin kaçkavall, majdanozin e fresket dhe pak kripe duke i perziere shume mire. Nese brumi rezulton shume i bute, shtojme edhe 1-2 luge galete. I japim qofteve formen e deshiruar, i kalojme ne miell dhe i skuqim ne vaj te nxehte derisa te marrin ngjyre te arte nga te gjitha anet.

Per nje variant me te shendetshem, qoftet mund ti pjekim edhe ne furre te parangrohur ne 180°C per 20-30 minuta.

Foto nga: http://www.myculinarystories.com

Qofte të skuqura

  • Racione: 6 persona
  • Vështirësi: e thjeshtë
  • Shtype
Qofte te skuqura

Qoftet e skuqura jane nje recete tipike Shqiptare, te sjella fillimisht nga Turqit, por adoptuar nga kuzhina jone me disa ndryshime te vogla.

Perberesit

  • 500gr mish te grire vici
  • 2 feta buke bajate/te thare
  • 1 qepe mesatare te grire holle
  • 1 thelpi hudher te grire holle
  • 2 veze te rrahura
  • galete
  • majdanoz te fresket te grire
  • mente te fresket te grire
  • rigon
  • piper te zi te sapobluar
  • kripe
  • vaj luledielli per skuqje
  • miell

Regjim buken ne uje te ftohte per 1 minute, me pas e shtrydhim mire me dore per te eleminuar ujin e tepert. Shtojme mishin e grire, qepen, hudhrat, vezet, majdanozin, menten, rigonin, piperin e zi dhe kripen. Shtojme edhe pak galete nese perberja rezulton e lagesht, brumi i qofteve nuk duhet te ngjisi ne duar. I bashkojme shume mire te gjithe perberesit dhe i leme te marinohen per rreth 1 ore ne frigorifer.

Me duar te lagura, formojme qofte te vogla, i kalojme ne miell dhe i skuqim ne vaj luledielli te nxehte derisa te marrin ngjyre te arte nga te gjitha anet. I heqim nga tigani dhe i vendosim mbi letra kuzhine per ti thithur vajin e tepert.

I sherbejme me pilaf, patate te skuqura ose pure patatesh dhe sallate jeshile.

Foto nga: http://www.tastyeatsathome.com

Falafel (Qofte me qiqra)

Falafel1Falafelet jane nje pjate tipike e kuzhines Arabe te cilat zevendesojne fare mire Qoftet tradicionale me mish te grire.  Shoqerohen shume mire me Salcen tahini (lloj salce me baze farat e susamit) ose nga Xaxiqi grek e perime te fresketa te prera ne shirita. Kujdes: Nuk duhet ne asnje menyre te perdorni qiqrat e gatshme te konservuara per te pregatitur kete pjate!

Perberesit

  • 200gr qiqra te thata
  • 1 thelpi hudher
  • 1 qepe e njome (vetem pjesen e bardhe)
  • 1 luge te vogel kumin
  • 1/2 tufe koriander
  • 1/2 tufe majdanoz
  • 1 luge te vogel sode buke
  • kripe
  • piper
  • vaj luledielli per skuqje

I vendosim qiqrat e thata ne uje me 1 luge te vogel sode buke per rreth 24 ore.

I shplajme dhe i kullojme mire, i vendosim ne mikser bashke me pjesen e bardhe te qepes se njome, hudhren, kripen dhe te gjitha erezat e tjera. I grijme shume mire derisa te kemi perftuar nje brum homogjen.

Me kete perberje, formojme qofte te vogla te cilat i vendosim nje nga nje ne pjate dhe i fusim ne frigorifer per rreth 1 ore.

Nxehim vajin e lulediellit ne nje tigan pak te thelle dhe zhysim nga 3 nga 4 falafel derisa te kene marre ngjyre te arte. I vendosim mbi letra kuzhine ne menyre qe te thithin vajin e tepert dhe i sherbejme te shoqeruara sipas deshires, psh me Salce tahini, me sallate jeshile apo me pite.

Foto nga: http://homecookinginmontana.blogsp

Qofte të mbushura me kërpudha

Qofte te mbushura me kerpudhaQoftet e mbushura me kerpudha Champignon, jane nje pjate e dyte teper e shijshme dhe e veçante, te cilat mund ti pregatisni fare mire ne fundjave kur keni pak me shume kohe ne dispozicion.
Perberesit

  • 400gr mish i grire viçi
  • 15 kerpudha champignon
  • 16 feta proshute speck
  • 2 veze
  • 100gr djath te grire parmixhano (ose djath tjeter kaçkavall)
  • 100ml vere te bardhe
  • 4 luge vaj ulliri
  • 2 thelpi hudher
  • 2 luge ereza (trumez, sherebele, rozmarine)
  • kripe
  • piper i zi

Pastrojme shume mire kerpudhat me nje pecete te paster te lagur me pak uje, per te eleminuar ne kete menyre dhèun nga kapelja dhe kemba. Ruajme 4 kerpudha te plota, ndersa te tjerat i presim ne copa jo shume te vogla dhe i leme menjane.

Ne nje tigan, kaverdisim me dy luge vaj ulliri thelpinjte e hudhrave te shtypura derisa te kene marre ngjyre te arte, dhe i heqim nga vaji. Shtojme ketu kerpudhat (ato te prerat ne copa dhe te plotat) duke i lene te kaverdisen nga te gjitha anet ne zjarr te larte per rreth 5 minuta. I rregullojme me kripe, piper, erezat aromatike dhe i heqim nga tigani duke i lene te ftohen ne temperature ambjenti.

Ne nje tas, bashkojme mishin e grire te viçit me kerpudhat e prera ne copa, vezet dhe djathin e grire duke i perziere shume mire. E ndajme perberjen ne 4 pjese, formojme me duar 4 qofte te rrumbullakta (ose ovale) dhe vendosim ne mes te tyre nje kerpudhe te plote.

Ne tavolinen e punes, rreshtojme 4 feta proshute speck njera pas tjetres duke i mbivendosur pak, vendosim ne qender te tyre nje qofte dhe e mbulojme komplet me fetat e proshutes. Veprojme ne te njejten menyre edhe me qoftet e mbetura.

I vendosim qoftet e mbuluara me proshute njera pas tjetres ne nje tigan te madh me 2 luge vaj ulliri dhe i kaverdisim ne zjarr te ulet nga te gjitha anet, duke i shuar me pas me veren e bardhe. I leme ne kete menyre te gatuhen per rreth 20 minuta me kapak te mbyllur duke shtuar pak uje nese eshte e nevojshme.

I servirim te nxehta ose te ngrohta shoqeruar me patate ne furre.

(recete marre nga: 365 giorni a tavola-Paola Loaldi, dhe modifikuar nga autorja)

Qofte e madhe me djathë

  • Racione: 4 persona
  • Vështirësi: mesatare
  • Shtype

qofte e madhe

Nje alternative e qoftes se mbushur sipas deshires, eshte qoftja e madhe me djath ne siperfaqe dhe e shuar me brendi (konjak) ne furre. Provoni ta shoqeroni me patate te furres ose me nje sallate te stines!

Perberesit

  • 500gr mish i grire viçi
  • 100gr proshute e pjekur e grire ne mikser
  • 1 patate mesatare e ziere e reduktuar ne purè
  • 2 veze
  • 30gr djath kaçkavall te grire
  • 80gr djath qe shkrin (te tipit guda, fontina etj)
  • 2-3 luge galete (buke te thate te grire)
  • 1 qepe
  • 40gr gjalp
  • 1 luge vaj ulliri
  • 80ml brendi (konjak)
  • 2 gjethe dafine
  • kripe
  • piper

Bashkojme ne nje ene te madhe mishin e grire, purène e patateve, proshuten, vezet, djathin kaçkavall te grire, kripen dhe piperin derisa te perftojme nje brume homogjen. Me kete perberje formojme nje qofte te madhe te cilen e kalojme ne galete dhe e leme menjane.

Marrim nje leter alumini (aq te madhe sa ta mbuloje komplet qoften) dhe vendosim ne bazamentin e saj qepen e prere holle, e sperkasim me 1 luge vaj ulliri, vendosim siper qoften e madhe dhe e rregullojme me disa copeza gjalpi ne siperfaqe dhe 2 gjethe dafine. E mbyllim letren e aluminit ne formen e karameles dhe e pjekim ne furre te parangrohur ne 180°C per rreth 1 ore.

Kur te jete pjekur, e heqim nga furra, eleminojme letren e aluminit dhe e vendosim qoften ne taven ku e gatuam bashke me lengun qe ka leshuar. Vendosim mbi qoften djathin qe shkrin te prere ne rripa, e lagim me pak brendi dhe e rivendosim ne furre edhe per 5 minuta te tjera derisa djathi te jete shkrire. E shoqerojme te prere ne feta me sallaten e stines.

Hamburger të mbushur me krem djathi dhe mustardë

Provoni ta gatuani kete recete si zevendesuese e qofteve tradicionale ose hamburgerave te gatshem. Mund ta mbushni me çfare te deshironi, mjafton vetem pak fantazi!
Perberesit

  • 500gr mish i grire viçi
  • 4 luge krem djathi (ose djath bebe)
  • 1 luge mustarde te forte dhe pikante (te tipit Dijon)
  • 1/2 gote vere te bardhe
  • 40gr margarine ose gjalp
  • pak miell
  • kripe
  • piper

Ne nje ene te vogel, bashkojme djathin kremoz me mustarden derisa te formojme nje perberje te njetrajtshme dhe e leme menjane.

Punojme mishin e grire te viçit me dore, shtojme pak kripe e piper dhe formojme me te 8 qofte te holla ne formen e disqeve, lyejme 4 per tyre me kremin me djath dhe mustarde dhe vendosim 4 te tjerat siper duke mbyllur lehtesisht me gishta anet e  qofteve ne menyre qe perberja te mos dale gjate gatimit.

Ne nje tigan te madh, shkrijme margarinen ose gjalpin dhe skuqim nga te dyja anet qoftet e mbushura te kaluara fillimisht ne pak miell derisa te kene marre ngjyre te arte. Ne fund, i shuajme me veren e bardhe duke i kthyer edhe nga ana tjeter.

I servirim te zbukuruara me pak mustarde dhe qepe te kuqe te prere holle.-:

Qofte të gatuara në birrë

Qofte-te-gatuara-ne-birre

Kjo recete, eshte e gatuar ne nje stil teresisht te kuzhines austriake, por ne te njejten kohe eshte ndikuar edhe nga zakonet e gastronomise turke. Provoni ta shoqeroni me nje nga sallatat e shumta qe ne ju propozojme!

Perberesit

  • 600gr mish te grire viçi
  • 100gr proshute e tipit mortadela
  • 1 patate mesatare
  • 1 veze
  • 100ml birre bionde
  • 2 luge plot djath kaçkavall te grire
  • 1 thelpi hudher
  • 1 tufe majdanoz
  • pak arre moskate
  • nje maje luge kanelle
  • miell
  • vaj luledielli
  • 1 qepe te njome
  • kripe
  • piper

Ziejme si fillim pataten me gjithe lekure ne uje te kripur per rreth 30 minuta derisa te zbutet plotesisht. Nderkohe qe eshte akoma e nxehta, e qerojme dhe e kalojme ne shtypesen e patateve (ose me dhembet e nje piruni) duke e reduktuar ne puré.

Ne nje ene te madhe, bashkojme mishin e grire me purène e patateve, proshuten mortadela te grire ne mikser se bashku me hudhren, vezen, djathin kaçkavall, majdanozin e grire, kanellen, arren moskate dhe kripe e piper.
Formojme me perberjen sfera me madhesine e nje kajsie dhe i kalojme ne miell.

Ne nje tigan hedhim 5-6 luge vaj luledielli dhe shtojme qepen e njome te grire shume holle duke e kaverdisur per 1-2 minuta. Shtojme qoftet dhe i skuqim per rreth 5 minuta duke i kthyer ne menyre qe te gatuhen uniforme. Shtojme birren dhe i gatuajme edhe per 10 minuta te tjera.

I sherbejme qoftet te ngrohta.

Qofte të vogla në salcë specash

  • Racione: 4 persona
  • Vështirësi: e thjeshtë
  • Shtype

Qofte te vogla ne salce specash

Nese jeni merzitur nga menyra klasike e gatimit te qofteve me mish te grire, receta e meposhtme eshte tamam per ju! Provoni te ndiqni pike per pike receten, duke perdorur 3 ngjyrat te ndryshme specash; ne kete menyre pjata perveçse e shijshme, do te jete edhe teper estetike!

Perberesit

…per qoftet

  • 400gr mish te grire viçi
  • 30gr djath kaçkavall te grire dele
  • 2 luge galete
  • 1 veze
  • 1 tufe majdanoz
  • 1 thelpi hudher
  • 2 luge plot miell

…per salcen me speca

  • 200gr salce domatesh
  • 3 speca (1 i kuq, 1 i verdhe, 1 jeshil)
  • vaj ulliri
  • kripe
  • piper

Lajme dhe pastrojme specat duke i hequr fijet dhe farat e brendshme dhe i presim ne copa me madhesi te njejte. I kaverdisim ne pak vaj ulliri ne zjarr te larte derisa te marrin ngjyre duke i perziere shpesh. I rregullojme me kripe, shtojme salcen e domateve duke i perziere te gjitha bashke dhe i leme ne zjarr te ulet te gatuhen per rreth 20 minuta.

Ne nje tas, bashkojme mishin e grire te viçit, vezen, djathin e grire, galeten, majdanozin dhe hudhren e grire holle dhe i perziejme me kujdes me dore derisa te perftojme nje perberje homogjene te ciles i shtojme edhe pak kripe e piper (kujdes, pasi djathi kaçkavall eshte vete i kripur).

Lagim duart dhe formojme qofte te vogla me madhesine e nje arre, i kalojme ne miell dhe i skuqim per pak minuta ne nje tigan tjeter me pak vaj ulliri duke i perziere shpesh derisa te marrin ngjyre te arte. Ne fund, shtojme qoftet tek salca me speca dhe e servirim te ngrohte ose ne temperature ambjenti.

1 2
Krijoni një sajt ose blog te WordPress.com