Tag Archives: Receta me fileto pule

Pite e mbushur me fileto pule

  • Racione: 1 person
  • Vështirësi: shumë e thjeshtë
  • Shtype

pite e mbushur me fileto pule2

Nese deshironi nje vakt te shijshem, por nuk keni shume deshire te gatuani, pitet e mbushura jane pikerisht ato qe ju duhen! Mund ta mbushni brenda me çfare te deshironi, por e rendesishme eshte te kene: nje perberje kremoze (djathe i shkrire apo majoneze), nje proteine (mish pule, viçi, peshk, veze), nje sallate (jeshile, rukola, spinaq) dhe pak zarzavate te gjalla (domate, kastraveca, finok, avokado) te cilat e bejne me krokante. Me poshte, po ju propozoj variantin tim:

pite e mbushur me fileto pule1

Perberesit

  • 1 pite gruri e gatshme (piadina, tortija etj)
  • majoneze
  • rukola
  • 1 fileto pule e pjekur/skuqur, e prere ne copa te vogla
  • 1/4 avokado, e prere ne copa te vogla
  • 1 domate e thare, e prere holle
  • pak finok, i prere holle

E vendosim piten ne tavolinen e punes dhe e lyejme me pak majoneze. Hedhim rukola ne te gjithe siperfaqen e saj, me pas shtojme me rradhe perberesit e tjere: copezat e filetos se pules, te avokados, domates se thare dhe finokut. E rrotullojme mire, e ndajme ne dy pjese dhe e sherbejme.

*Keshille: Nese doni ta pregatisni vete piten, ndiqni receten tone duke klikuar ketu.

Advertisements

Supë krem me pulë dhe të verdhë veze

  • Racione: 4 persona
  • Vështirësi: e thjeshtë
  • Shtype

Kjo eshte nje nga supat krem me te mira qe kam provuar ndonjehere! E shijshme, e ushqyeshme si per te rritur ashtu dhe femije dhe mjaft e tretshme per organizmin.

Perberesit

  • 1 gjoks pule i plote (300-400gr), i prere ne kubik
  • 2 patate te medha
  • 3 karrota te medha
  • 1 dege selino
  • 1 qepe
  • 1 presh, vetem pjesa e bardhe
  • 1 spec i kuq
  • 3 luge gjelle miell
  • 4 luge gjelle gjalp
  • 2 te verdha veze
  • kripe
  • per shoqerim: leng limoni, koper e grire holle, gjalp i shkrire

Ne nje tenxhere te thelle, shkrijme 2 luge gjelle gjalp dhe kaverdisim kubiket e pules bashke me te gjitha perimet te ndara ne 4 pjese (patate, karrota, selino, qepe, presh dhe spec i kuq). Shtojme 1.5l uje dhe i ziejme per 1 ore, ose per 30 minuta ne tenxhere me presion.

Ne nje ene te madhe, kullojme lengun e pules me perime dhe nga perimet marrim vetem patatet, karrotat dhe copezat e pules te cilat i kalojme ne mikser bashke me pak leng perimesh.

Ne tenxheren e thelle, shkrijme 2 luget e mbetura te gjalpit dhe kaverdisim ne te miellin derisa te marre ngjyre te arte (roux). E shuajme me lengun e perimeve te cilin e shtojme pak nga pak. Shtojme se fundi edhe purène me pule, patate e karrota dhe e leme supen edhe per pak minuta ne zjarr derisa te arrije trashesine e deshiruar.

Ne nje tas rrahim te verdhat e vezeve me kripe, e hollojme me pak uje apo leng perimesh dhe ja shtojme dalengadale supes qe kemi akoma ne zjarr duke e perziere edhe per disa minuta.

Sipas deshires e shoqerojme me leng limoni te shtrydhur, pak gjalp te shkrire dhe pak koper te grire ne siperfaqe.

Fileto pule me pesto fara kungulli

  • Racione: 4-6 persona
  • Vështirësi: e thjeshtë
  • Shtype
Fileto pule me pesto fara kungulli

Perberesit

  •  4 gjokse pule te ndara pergjysme
  • 6 luge vaj ulliri
  • 2 luge leng limoni
  • 2 thelpinje hudher te prera shume holle
  • lekuren e 2 limonave biologjik
  • ereza te perziera sipas deshires (une i shtoj perzierje erezash per pule)

…per peston     

  • 60gr djath Parmixhano te grire
  • 50gr fara kungulli te qeruara (jo me kripe)
  • 30gr gjethe borziloku te fresketa
  • 1 thelpi hudher te shtypur
  • kripe
  • piper i zi i sapobluar
  • 100ml vaj ulliri ekstra te virgjer

Pregatisim salcen me te cilen do te marinojme pulen: ne nje ene perziejme vajin e ullirit me lengun e limonit, hudhren, lekuren e limonave dhe erezat (kujdes me kripen pasi mix i erezave per pule eshte vet i kripur). Vendosim ne te gjokset e pules te ndara ne dy pjese (per se gjeri) dhe i leme te marinohen per 6-24 ore. Une zakonisht marinimin e bej ne darke vone, per ta gatuar te nesermen ne dreke ose darke!

Pregatisim peston: vendosim ne mikser gjethet e borzilokut, farat e kungullit, hudhren, djathin Parmixhano, kripe, piper dhe gjysmen e vajit te ullirit. I perziejme derisa te fomojme nje krem te trashe te cilin e hollojme pak nga pak duke shtuar pjesen e mbetur te vajit te ullirit. E vendosim ne nje ene dhe e leme menjane.

Heqim filetot e pules nga marinimi dhe i thajme mire me leter kuzhine. Sipas deshires, mund ti pjekim ne zgare ose ne furre te parangrohur ne 200 grade Celcius per 15 minuta derisa te kene marre ngjyre te arte.

I sherbejme te sperkatura me peston e farave te kungullit.

Filetot e pules te gatuara ne kete menyre, shoqerohen mjaft mire me makarona spageti shume te holla (Capellini) me pak gjalp.

*Keshille: Per nje shije akoma me te veçante, farat e kungullit i pjekim per disa minuta ne tigan perpara se te pregatisim salcen pesto. (i perdorim kur te jene ftohur plotesisht!)

Foto nga: https://smokinchestnut.wordpress.com

Kubik pule kremozë me djath filadelfia

  • Racione: 4 persona
  • Vështirësi: e thjeshtë
  • Shtype
Kubik pule kremoze me filadelfia

Nje recete kremoze dhe e shijshme, e cila bashkon dy shije delikate: mishin e bardhe te pules me kremin e djathit filadelfia!

Perberesit

  • 2 gjokse pule pa lekure
  • 1 qepe e kuqe, e grire shume holle
  • 250gr djath filadelfia
  • 1/2 gote qumesht
  • 2 luge plot gjalp
  • pak miell
  • kripe
  • piper i zi i sapobluar
  • djath kaçkavall i grire

Lajme gjoksin e pules nen uje te ftohte te rrjedhshem dhe e presim ne kubik me ndihmen e nje thike shume te mprehte. I kalojme kubiket ne pak miell me kripe dhe i leme menjane.

Ne nje tigan te madh shkrijme gjalpin dhe kaverdisim ne zjarr te avashem qepen derisa te zbutet. Shtojme kubiket e pules dhe i japim ngjyre nga te gjitha anet duke i perziere shpesh.

Punojme kremin e djathit filadelfia ne nje ene te vogel me pak qumesht dhe ja shtojme pules. Fikim zjarrin, e rregullojme perberjen me kripe e pak piper te zi te sapobluar dhe e sherbejme te nxehte sperkatur me pak djath kaçkavall te grire.

Kosto per 4 persona: 650 lek te reja

Foto nga: http://mydinnertoday.com

Tavë me pulë dhe perime

  • Racione: 4-6 persona
  • Vështirësi: e thjeshtë
  • Shtype
Pule me perime ne furre

Doni te pregatisni nje recete super te thjeshte ne vetem 1 ore? Te pjekur ne furre dhe jo te skuqur? Ja sesi:

Perberesit

  • 4 gjokse pule pa kocke dhe pa lekure, ne kubik te medhenje
  • 350gr kerpudha te fresketa, ne feta te holla
  • 250gr domate, ne copa te vogla
  • 1 qepe e madhe, e prere imet
  • 1 spec i kuq, i prere ne shirita
  • 1 spec jeshil, i prere ne shirita
  • 1 dore ullinj te zinj pa berthame
  • 100ml vere e bardhe ne temperature ambjenti
  • 1 luge e vogel rigon i thate
  • 1 luge gjelle majdanoz i fresket i grire holle
  • vaj ulliri
  • miell
  • kripe
  • piper i zi i sapobluar

Parangrohim furren ne 200C.

Ne nje qese plastike hedhim miellin, kripe, rigoni dhe piper te zi, shtojme kubiket e pules dhe i perziejme mire derisa te vishen me miell. I vendosim ne nje tave, i sperkasim bollshem me vaj ulliri dhe i pjekim per rreth 20 minuta duke i perziere 1 apo 2 here.

Shtojme qepet, specat dhe kerpudhat ne tave dhe vazhdojme gatimin edhe per 20 minuta te tjera, duke i perziere vetem nje here.

Shtojme domatet, veren e bardhe dhe vazhdojme pjekien edhe per 10 minuta te tjera. E sperkasim taven me pule me majdanozin e grire. E sherbejme te nxehte shoqeruar me oriz te bardhe ose makarona spageti shume te holla

Foto nga: http://www.foodsogoodmal

Fileto pule me salcë mustarde

  • Racione: 4 persona
  • Vështirësi: e thjeshtë
  • Shtype
rsz_066

Receta me poshte eshte nje menyre shume e shijshme per te gatuar fileto pule kremoze dhe pak pikante ne vetem 30 minuta. Ja sesi:

Perberesit

  • 4 gjokse pule te pastruar nga kockat dhe lekura
  • 100ml krem pana kuzhine
  • 100ml leng pule
  • 2 luge gjelle mustarde (Dijon)
  • 4 thelpinje hudhra te grira holle
  • 200ml (1 gote) vere te bardhe ose konjak
  • vaj ulliri
  • gjalp
  • kripe
  • piper te zi te sapobluar

Ndajme gjokset e pules ne dy fileto pule, duke formuar ne kete menyre 8 fileto pule ne total. I kriposim dhe piperosim nga te dyja anet.

Ne nje tigan te gjere, shkrijme gjalpin ne zjarr mesatar, shtojme vajin e ullirit dhe i gatuajme filetot nga te dyja anet per pak minuta derisa te kene marr ngjyre te arte. I heqim nga tigani dhe i vendosim ne nje pjate ose tas te mbuluar ne menyre qe ti mbajme te ngrohta.

Shtojme hudhren dhe e kaverdisim per 1 minute, e shuajme perberjen me konjakun ose veren e bardhe dhe e leme te gatuhet derisa masa te pergjysmohet, dmth te avulloje i gjithe alkooli.

Shtojme mustarden, kremin pana, lengun e pules dhe i perziejme mire. Shtojme filetot e pules dhe i gatuajme ne zjarr te ulet per disa minuta derisa te marrin shije.

I sherbejme filetot e pules me salcen e mustardes te shoqeruara me sallate jeshile dhe pure patatesh.

Foto nga: http://stickafork.net/

Kubik pule me pançetë dhe bizele

Copeza pule me bizele dhe panceteKete recete ma serviren ne nje dreke familjare dhe normalisht nuk mund te rrija pa e kerkuar menyren sesi pregatitej. Eshte fare e thjeshte dhe eshte gati ne vetem 20 minuta!
Kini parasysh qe nese receten e pregatisim me bizele te fresketa, ti ziejme paraprakisht ne uje me pak kripe per rreth 15 minuta.

Perberesit

  • 400gr gjoks pule i prere ne kubik dhe i kaluar ne miell
  • 200gr pançete ne kubik ose shirita
  • 400gr bizele te ngrira (ose te fresketa)
  • 1/2 gote vere te bardhe ne temperature ambjenti
  • pak leng perimesh i nxehte
  • kripe
  • piper te zi te sapobluar
  • gjalp
  • vaj ulliri
  • per zbukurim: gjethe sherebeli

Kaverdisim ne zjarr mesatar me pak gjalp dhe vaj ulliri copezat e pules derisa te marrin ngjyre nga te gjitha anet. I shuajme me veren e bardhe, ngreme zjarrin ne maksimum ne menyre qe te avulloje alkooli i veres, ulim zjarrin serisht dhe shtojme pançeten, bizelet, pak kripe, pak leng perimesh (ose uje), i vendosim kapakun dhe i gatuajme ne zjarr te ulet per 10-15 minuta.

E sherbejme ne pjate te zbukuruar me ndonje gjethe sherebele dhe te sperkatur me piper te zi te sapobluar.

*Per nje variant ndryshe: mund te shtojme edhe pak pana kuzhine per ta bere pjaten me kremoze.

Fileto pule me salcë soje

  • Racione: 4 persona
  • Vështirësi: e thjeshtë
  • Shtype

Fileto pule me salce soje

Fileto e pules me salce soje eshte nje pjate e dyte shume shijshme, e shpejte per tu gatuar dhe teper e thjeshte. Nese keni menduar nje darke me shije orientale, perfshini ne menune tuaj edhe kete recete dhe rezultati do te jete fantastik! Ka nje shije paksa te embel e cila eshte tipike e kuzhines kineze. Shkon mrekullisht me pilafin, me perime te ziera ose me sallate jeshile.

Perberesit

  • 4 fileto pule
  • 6 luge gjelle salce soje
  • 1 filxhan çaji uje
  • 1 luge gjelle sheqer kaf
  • 1 luge çaji xhinxher pluhur
  • 1 luge çaji hudher pluhur
  • fara speci te kuq djeges
  • fara susami
  • bishta qepesh te njoma, vetem pjesa e gjelber
  • pilaf per shoqerim
  • vaj ulliri

Fileto pule me salce soje1

Kaverdisim filetot e pules ne pak vaj ulliri derisa te marrin ngjyre nga te dyja anet. I vendosim ne nje pjate duke i lene menjane nderkohe qe pergatisim salcen:
ne te njejtin tigan perziejme ne zjarr te ulet salcen e sojes, ujin, sheqerin kaf, xhinxherin pluhur, hudhren pluhur dhe pak spec te kuq djeges derisa sheqeri te shkrije. Nuk ka nevoje te shtojme kripe pasi salca e sojes eshte vet e kripur.
Kur sheqerit te kete shkrire plotesisht, shtojme filetot e pules dhe i leme te marrin shije duke i kthyer nga ana tjeter.

E shoqerojme fileton e pules me salce soje me pilaf tradicional (si ne rastin tim) ose me sallate jeshile, purè patatesh, perime te ziera etj. E sperkasim ne siperfaqe me bishta qepesh te njoma, fara susami dhe fara speci djeges.

Pulë e marinuar me fara suzami

Kjo pjate ka nje shije mjaft te veçante dhe delikate njekohesisht e cila te kujton kuzhinen orientale. Ne vend te sallates jeshile, mund ta shoqeroni edhe me orizi te ziere, kus kus, purè patatesh etj.
Perberesit

  • 600gr fileto pule
  • 4 portokall
  • 1 limon
  • 1 luge mjalte
  • 1 luge salce soje
  • 1 luge fara suzami
  • 2 thelpinje hudher
  • 2 finoke
  • 1 tufe sallate jeshile
  • 2 luge vaj ulliri
  • kripe
  • piper

Bashkojme ne nje tas lengun e dy portokalleve dhe te limonit se bashku me mjaltin, salcen e sojes, thelpinjte e hudhrave te qeruar dhe te shtypur dhe farat e susamit. Shtojme filetot e pules, e mbulojme tasin me qese celofoni dhe e vendosim ne frigorifer per tu marinuar per rreth 1 ore.

Nderkohe pastrojme finoket, i presim ne feta shume te holla dhe i vendosim ne uje me akull per 5 minuta. Qerojme 2 portokallet e mbetur dhe i presim ne feta. Lajme dhe thajme sallaten jeshile dhe e copetojme me duar.

Kur pula te jete marinuar, e kullojme nga marinata (te cilen e ruajme per me vone) dhe e skuqim nga te dyja ane me pak vaj ulliri per rreth 5 minuta. E rregullojme me kripe, piper, shtojme lengun e marinates te filtruar dhe e leme te gjithen te trashet per disa çaste.

Vendosim ne fundin e cdo pjate sallaten jeshile, finoket dhe fetat e portokallit, dhe siper shtojme pulen e marinuar sperkatur me salcen e saj.