0 0

Share it on your social network:

Or you can just copy and share this url

Ingredients

Adjust Servings:
50 gjethe borzilok i freskët
15 gr stika pishe
70 gr djathë i grirë Parmigiano Regiano
30 gr djathë i grirë Pecorino Romano
2 thelpinj hudhër
100-125 ml vaj ulliri
1 majë luge kripë

Nutritional information

7 gr
Proteina
41 gr
Yndyrna
3 gr
Karbohidrate
403
Kalori për person
Pesto me borzilok (gjenovez)

Pesto me borzilok (gjenovez)

Features:
  • Pa gluten
  • Vegjetariane
Cuisine:

Pesto gjenovez, është një recetë tipike e zonës së Ligurias mjaft e përdorur në të gjithë Italinë dhe me përhapje të gjerë edhe në vendin tonë.

  • 20 Min
  • Serves 4
  • Easy

Ingredients

Directions

Share

Nuk është i vështirë në pregatitje, vetëm kërkon shumë durim! Receta tradicionale parashikon përdorimin e havasë prej mermeri dhe shtypëses prej druri, por edhe nëse nuk i gjeni mos u shqetësoni! Më poshtë po iu paraqesim dhe variantin e mikserit i cili do t’iu shkurtojë mjaft kohë.

(Visited 66 times, 1 visits today)

Steps

1
Done

Pregatitja me havà

Fillojmë pregatitjen e recetës duke pastruar me një pecetë të lagur dhe të shtrydhur shumë mirë gjethet e borzilokut. Duhet evituar kategorikisht larja e tyre nën ujë të rrjedhshëm pasi në këtë mënyre i humbet e gjithë aroma dhe ngjyra fillon të zbehet.
Në havà, fusim si fillim thelpinjtë e hudhrës me pak kripë të trashë të cilat i shtypim derisa të jetë formuar një lloj kremi. Shtojmë disa gjethe borziloku duke i alternuar gjithmonë me pak kripë (në mënyrë që të ruhet ngjyra e gjelbërt) dhe vazhdojmë shtypjen e tyre derisa të gjitha gjethet të kenë përfunduar. Në momentin që në havà do të dalë një lëng i gjelbërt (që është pikërisht lëngu i borzilokut) shtojmë stikat e pishës dhe vazhdojmë shtypjen. Në fund shtojmë edhe djathërat e grirë dhe vajin e ullirit duke formuar kështu një salcë homogjene të cilën e konsumojmë menjëherë apo e ruajmë në frigorifer për maksimumi 2 ditë, mbuluar me një shtresë të hollë vaji ulliri.

2
Done

 Pregatitja me mikser

Pregatitja e pestos xhenovez me anë të mikserit të kuzhinës është më e thjeshtë, por shija sigurisht që nuk do të jetë e njejtë me atë që është pregatitur në havà-në prej mermeri! Përpunimi i salcës duhet të realizohet në kohën më të shkurtër të mundshme për të shmangur problemet e oksidimit. Akoma më mirë do të ishte sikur tehet e mikserit të ishin prej plastike dhe jo prej metali, pasi ky i fundit duke mos arritur ti "copetojë" shumë imët gjethet e borzilokut, mund të bëj që salca të rezultojë paksa e hidhur. Metoda më e mirë do të ishte vendosja e tasit të mikserit dhe teheve të tij për disa orë në frigorifer përpara pregatitjes së pestos dhe në momentin që vendosen të gjithë përbërësit sipas rradhës që u tregua më sipër, të përdoret shpejtësia minimale dhe "grirja" të kryehet me sekonda; dmth grijmë për 2-3 sekonda, bëjmë 5-6 sekonda pushim (në mënyrë që tehet të ftohen) dhe vazhdojmë në këtë mënyrë derisa të kemi përftuar salcën.

3
Done

E shërbejmë menjëherë ose e ruajmë në frigorifer në një enë të mbyllur hermetikisht mbuluar me një shtresë të hollë vaji ulliri për maksimumi 2 ditë. Pesto edhe mund të ruhet në akull i ngrirë për ta përdorur atëherë kur kemi nevojë.

Kamela Vasa

Lindur ne vitin 2009, nga pasioni per kuzhinen dhe per recetat gjithnje e me te shumellojshme, kjo faqe synon te jete me prane atyre qe udhehiqen nga motoja: TE GATUASH ESHTE NJE KENAQESI!

previous
Lazanja Bolonjeze (me mish të grirë)
next
Sallatë me fasule të kuqe
previous
Lazanja Bolonjeze (me mish të grirë)
next
Sallatë me fasule të kuqe

One Comment Hide Comments

Add Your Comment

Site is using a trial version of the theme. Please enter your purchase code in theme settings to activate it or purchase this wordpress theme here