Tag Archives: Supa krem

Supë krem me thjerrëza

  • Racione: 4 persona
  • Vështirësi: e thjeshtë
  • Shtype
Supe krem me thjerreza

Supat krem jane ideale per stinen e ftohte te dimrit, shoqeruar me pak buke te thekur dhe vaj ulliri ne siperfaqe. Kjo eshte nje nga ato receta qe te ngrohin zemren dhe te bejne te ndihesh ne shtepi. Thjerrezat, perveçse shume te pasura me hekur dhe mjaft te shendetshme, jane ushqimi ideal edhe per femijet pasi treten shume lehte. Filloni ti mesoni edhe bebat me ushqimet qe ha e gjithe familja, duke nisur nga muaji i 8 i jetes. Perpara se ti shtoni supes kripen, hiqni nje apo dy garuzhde, kalojeni ne site ne menyre qe te eleminoni lekuren e thjerrezave dhe jepjani  bebit te sperkatur me pak vaj ulliri.

Perberesit

  • 250gr thjerreza te thata
  • 1 qepe e kuqe
  • 1 dege selino
  • 1 karrote
  • 1 patate e embel (ose patate normale)
  • 1 spec i kuq
  • 2 gjethe dafine
  • nje maje luge pluhur kerri
  • vaj ulliri
  • kripe
  • per servirje: krem pana, buke te thekur

Vendosim ne zjarr nje tenxhere me 1.5l uje. Shtojme thjerrezat e thata dhe te gjitha perimet e prera ne menyre te çrregullt: qepen e kuqe, selinone, karroten, specin e kuq dhe pataten e embel. Shtojme ne fund edhe gjethet e dafines dhe i ziejme ne zjarr te ngadalte per rreth 40 minuta.

E kalojme supen ne mikser derisa te perftojme nje krem homogjen dhe e veme serisht ne zjarr. Shtojme kripe, vaj ulliri, kerri dhe vazhdojme gatimin edhe per 2 apo 3 minuta. E ndajme neper tasa dhe e sherbejme te ngrohte shoqeruar me krem pana dhe buke te thekur.

Advertisements

Supë krem me pulë dhe të verdhë veze

  • Racione: 4 persona
  • Vështirësi: e thjeshtë
  • Shtype

Kjo eshte nje nga supat krem me te mira qe kam provuar ndonjehere! E shijshme, e ushqyeshme si per te rritur ashtu dhe femije dhe mjaft e tretshme per organizmin.

Perberesit

  • 1 gjoks pule i plote (300-400gr), i prere ne kubik
  • 2 patate te medha
  • 3 karrota te medha
  • 1 dege selino
  • 1 qepe
  • 1 presh, vetem pjesa e bardhe
  • 1 spec i kuq
  • 3 luge gjelle miell
  • 4 luge gjelle gjalp
  • 2 te verdha veze
  • kripe
  • per shoqerim: leng limoni, koper e grire holle, gjalp i shkrire

Ne nje tenxhere te thelle, shkrijme 2 luge gjelle gjalp dhe kaverdisim kubiket e pules bashke me te gjitha perimet te ndara ne 4 pjese (patate, karrota, selino, qepe, presh dhe spec i kuq). Shtojme 1.5l uje dhe i ziejme per 1 ore, ose per 30 minuta ne tenxhere me presion.

Ne nje ene te madhe, kullojme lengun e pules me perime dhe nga perimet marrim vetem patatet, karrotat dhe copezat e pules te cilat i kalojme ne mikser bashke me pak leng perimesh.

Ne tenxheren e thelle, shkrijme 2 luget e mbetura te gjalpit dhe kaverdisim ne te miellin derisa te marre ngjyre te arte (roux). E shuajme me lengun e perimeve te cilin e shtojme pak nga pak. Shtojme se fundi edhe purène me pule, patate e karrota dhe e leme supen edhe per pak minuta ne zjarr derisa te arrije trashesine e deshiruar.

Ne nje tas rrahim te verdhat e vezeve me kripe, e hollojme me pak uje apo leng perimesh dhe ja shtojme dalengadale supes qe kemi akoma ne zjarr duke e perziere edhe per disa minuta.

Sipas deshires e shoqerojme me leng limoni te shtrydhur, pak gjalp te shkrire dhe pak koper te grire ne siperfaqe.

Supë krem me bizele dhe mente

  • Racione: 4 persona
  • Vështirësi: e thjeshtë
  • Shtype
Supe krem me bizele dhe mente

Nje supe verore shume e thjeshte per tu pregatitur… copezat e vogla te proshutes ose mishit te tymosur i japin nje shije fantastike!

Perberesit

  • 500gr bizele te qeruara te fresketa (ose te ngrira)
  • nje dore gjethe mente te fresketa
  • 200ml krem pana kuzhine
  • 1 liter uje
  • kripe
  • piper te zi te sapobluar
  • vaj ulliri 
  • per zbukurim: gjethe mente te fresketa ose 4 feta te holla proshute ose mish te tymosur (pançete) te skuqura derisa te behen krokante

Ne nje tenxhere ziejme ujin me kripe, shtojme gjethet e mentes dhe i ziejme per 1 minute. Shtojme bizelet dhe vazhdojme zierjen edhe per 10-15 minuta te tjera nese bizelet jane te ngrira, apo 30 minuta nese jane te fresketa, derisa te zbuten plotesisht.

Heqim menjane bizelet dhe gjethet e mentes duke ruajtur ujin e tyre. I vendosim ne mikser, shtojme 1-2 garuzhde nga uji i zierjes dhe i reduktojme te gjitha ne nje krem te bute me ngjyre te gjelber. E rregullojme kremin me kripe, piper te zi te sapobluar, vaj ulliri, shtojme 150ml pana kuzhine dhe vazhdojme rrahjen ne mikser edhe per disa sekonda derisa te gjitha te homogjenizohen.

Ne momentin e servirjes, e shperndajme supen krem neper tasa dhe e zbukurojme siper me pak krem pana dhe gjethe mente te fresketa. Per ti dhene nje shije me te veçante, e shoqerojme me copeza mishi te tymosur.

Foto nga: https://foodblogandthedog.wordpress.com

Supë krem me panxhar të kuq

Supe krem me panxhar te kuqNje supe krem e shendetshme, e shijshme, e bukur ne pamje dhe shume e thjeshte ne realizim. Kjo eshte receta qe ju propozojme sot duke perdorur si perberes kryesor panxharin e kuq.

Perberesit

  • 6 panxhar te kuq mesatar (500-600gr)
  • 1 qepe mesatare
  • 1 dege selino
  • 2 thelpinje hudher
  • 500ml leng mish viçi (ose leng i pregatitur nga koncentrate viçi apo perimesh)
  • 3 luge vaj ulliri
  • kripe
  • piper te zi te sapobluar
  • per zbukurim: krem pana apo copeza djathi te bardhe (djathi i dhise do te ishte me i pershtatshmi)

Kaverdisim ne zjarr mesatar ne vaj ulliri qepen, selinone dhe thelpinjte e hudhrave te grira holle per rreth 5 minuta derisa te zbuten.

Lajme shume mire panxharin, e qerojme, e presim ne kubik te vegjel dhe ja shtojme perberjes me siper duke i perziere mire. Shtojme lengun e mishit, e rregullojme masen me kripe dhe piper dhe e ziejme supen me kapak te mbyllur per 30-40 minuta, apo derisa panxhari te jete gatuar plotesisht.

E heqim nga zjarri dhe e kalojme te gjithe masen me mikser derisa ta reduktojme ne nje krem te bute dhe pa copeza perimesh. E shperndajme neper tasa dhe e zbukurojme me pak krem pana apo copeza djathi te bardhe.

*Keshille: Per te arritur maksimumin e shijes me kete supe, provoni ta pregatisni me panxhar te pjekur paraprakisht ne kete menyre:
Lajme panxharet, i heqim kercellin, i vendosim ne nje tave te shtruar me leter furre, i sperkasim me pak vaj ulliri, pak kripe dhe pak trumez te thate ose te fresket. I pjekim ne furre te parangrohur ne 200°C per rreth 45 minuta derisa te zbuten. I leme te ftohen per pak minuta ne temperature ambjenti, i heqim lekuren dhe i perdorim per supen me siper.

Foto nga: http://www.sainsburysmagazine.co.uk/

Supë krem me kungull dhe karrota

  • Racione: 4 persona
  • Vështirësi: e thjeshtë
  • Shtype

Supe krem me kungull dhe karrota

Supa krem qe po ju sugjerojme me poshte, eshte nje nga recetat karakteristike te vjeshtes, stine ne te cilen kungulli arrin shijen e tij maksimale.

Perberesit

  • 600gr tul kungulli portokalli
  • 4 karrota mesatare
  • 1 qepe mesatare
  • 600ml leng perimesh (ose leng te pregatitur nga koncentrate perimesh)
  • gjalp
  • piper te zi te sapobluar
  • per shoqerim: kubik buke te skuqur ne gjalp ose pançete te prere ne shirita te skuqur ne pak yndyre derisa te rezultoje krokante ose fara kungulli te pjekura

Grijme shume holle qepen dhe e kaverdisim ne pak gjalp ne zjarr mesatar derisa te rezultoje transparente duke e perziere shpesh.

Lajme karrotat dhe kungullin, i qerojme dhe i presim ne copa (forma apo madhesia nuk ka rendesi, pasi ne fund supen do ta kalojme te gjithen ne mikser), ja shtojme qepes dhe vazhdojme kaverdisjen edhe per pak sekonda. Shtojme lengun e perimeve te nxehte, i vendosim kapakun dhe e ziejme te gjithen per rreth gjysme ore. E kalojme masen ne mikser derisa ta reduktojme ne krem te bute dhe pa copeza perimesh.

E sherbejme supen te ngrohte sperkatur me pak piper te zi te sapobluar dhe shoqeruar me kubiket e bukes te skuqur ne gjalp ose pançeten krokante.

*Ruajtja: Ne frigorifer ne nje tas te mbyllur hermetikisht per 2-3 dite.

Supë krem me pulë

Supe krem me pule

Supa krem me pule eshte nje pjate e pare shume e lehte ne pregatitje e cila i permban te gjitha vlerat ushqimore. Mund tja servirim fare mire edhe femijeve duke zevendesuar panen e kuzhines me qumesht (per ta bere me te lehte) ose mund edhe ta reduktojme te gjithen ne krem nese ja servirim femijeve nen moshen 1 vjeç.

Perberesit

  • 2 gjokse pule (500-600gr)
  • 2 patate mesatare
  • 2 dege selino
  • 4 karrota
  • 50ml pana per kuzhine (ose 1 gote qumesht per ta bere me te lehte)
  • rreth 2 liter uje
  • gjalp
  • kripe
  • pak arre moskate
  • pak majdanoze ose hudher gjarpri
  • kubik buke te skuqura ne pak vaj ulliri per shoqerim

Lajme dhe qerojme patatet, deget e selinose dhe karrotat, i presim ne kubik (forma nuk ka shume rendesi, pasi me pas do ti kalojme ne mikser) dhe i kaverdisim per 2-3 minuta ne zjarr mesatar me gjalp. Shtojme gjokset e pules te plota, rreth 2 liter uje, pak kripe dhe i ziejme te gjitha per 30-40 minuta duke i perziere here pas here.

Heqim gjokset e pules duke i vendosur ne nje pjate ne menyre qe te ftohen pak dhe perimet e supes i kalojme ne mikser bashke me 2-3 luge leng derisa te perftojme nje mase kremoze. E hedhim kete mase serisht tek lengu i supes duke e perziere mire qe te mos mbesin kokerriza. Ne kete moment, shtojme edhe panen per kuzhine ose 1 gote qumesht.
Gjokset e pules i ndajme fije fije me dore dhe ja shtojme supes. E vendosim serisht supen ne zjarr per 4-5 minuta duke e rregulluar me pak kripe nese eshte e nevojshme dhe erezat e tjera. Se fundi, e sherbejme te shoqeruar me disa kubik buke te skuqura ne pak vaj ulliri.

Supë krem me thjerrëza të kuqe

Thjerrezat jane nje nga ato bishtajore te cilat shijohen mjaft mire ne stinen e dimrit. Receta qe po ju paraqesim me poshte ka si protagoniste kryesore thjerrezat e kuqe, te cilat faktikisht kane ngjyre portokalli te ndezur dhe behen te verdha gjate gatimit. Duke qene se nuk  e kane lekuren e jashtme, jane me te lehta per tu tretur dhe kete supe mund tja servirni fare mire edhe femijeve tuaj.
Perberesit

  • 400gr thjerreza te kuqe te vogla
  • 40gr pançete e tymosur
  • 40gr gjalp
  • 1/2 qepe
  • 1 thelpi hudher
  • pak xhinxher te fresket te grire holle
  • 100ml pana per kuzhine
  • kripe
  • kubik buke per shoqerim

Lajme nen uje te ftohte te rrjedhshem thjerrezat e kuqe (nuk eshte e nevojshme ti leme ne uje paraprakisht, pasi gatuhen shume shpejt). I hedhim ne nje tenxhere, i mbulojme me uje te ftohte me pak kripe dhe i gatuajme ne kete menyre me kapak te mbyllur per rreth 1 ore ne zjarr te ngadalte derisa te jene zbutur. I shplajme (duke ruajtur lengun qe kane leshuar) dhe i kalojme ne mikser derisa ti reduktojme te gjitha ne purè.

Ne te njejten tenxhere ku gatuam thjerrezat, shkrijme gjalpin dhe kaverdisim ne te qepen e prere holle sebashku me thelbin e shtypur te hudhres dhe pançeten e prere ne kubik duke i lene per rreth 5 minuta. Eleminojme hudhren, shtojme purène e thjerrezave, xhinxherin e fresket te grire holle, shtojme pak leng nga ai qe hoqem menjane nga thjerrezat (nese purèja ka dal pak e trashe) dhe ne momentin e fundit shtojme panen dhe e rregullojme me kripe.

E sherbejme kete supe krem te nxehte ose te vaket te shoqeruar me kubik buke te skuqura ne gjalp.

Supë krem me perime dhe domate

Si ti luftojme ditet e nxehta nepermjet te ushqyerit? Duke konsumuar sa me shume perime, dhe receta qe po ju servirim sot e ploteson mrekullisht kete kusht. Perveçse ne temperature ambjenti, provojeni edhe te ftohte; do te jete po aq e shijshme!

Perberesit

  • 600gr domate
  • 1 patate mesatare
  • 1 spec i kuq
  • 1 karrote e vogel
  • 1 dege e vogel selino
  • 1/2 qepe
  • 700-800ml leng pregatitur me koncentrat perimesh
  • 2 luge plot gjalp
  • pak spec te kuq djeges
  • 1 luge te vogel miell
  • 4 feta buke
  • 100ml kos grek i trashe
  • 100ml pana per kuzhine
  • pak rukola (per zbukurim)
  • kripe

Pastrojme dhe lajme te gjitha perimet, i presim ne kubik te vegjel dhe i kaverdisim ne nje tenxhere te thelle ne te cilen kemi shkrire gjalpin duke i perziere shpesh. Shtojme pak spec djeges, pak kripe, e sperkasim me miell dhe shtojme lengun e koncentrates te ngrohte pak nga pak derisa te perfundoje. E ziejme te gjithe perberjen per rreth 20 minuta ne zjarr mesatar derisa te gjitha perimet te zbuten.

E leme supen te ftohet ne temperature ambjenti dhe e kalojme ne site ne menyre qe te marrim vetem lengun e perimeve. E rivendosim kremin e perimeve perseri ne zjarr, e rregullojme me kripe dhe e gatuajme ne zjarr te avashem edhe per 10 minuta te tjera. 

Thekim fetat e bukes ne furre dhe i presim ne kubik te vegjel. Bashkojme panen e kuzhines me kosin grek .

E ndajme supen neper pjata, i shtojme nje luge pana me kos ne siperfaqe, shperndajme kubiket e bukes dhe e zbukurojme me pak rukola.

Supë krem me rukola

Supe-krem-me-rukola-dhe-feta-djathi-parmixhano

Supa krem me rukola, eshte nje menyre shume e shijshme dhe e shendetshme per te filluar vaktet tuaja pasi eshte e lehte dhe mund te konsumohet si e ngrohte ashtu dhe e ftohte.

Perberesit

  • 250gr rukola
  • 1 patate mesatare
  • 1 qepe e vogel
  • 1 thelpi hudher
  • 700ml-1l leng perimesh (ose leng te pregatitur me koncentrate)
  • 200ml pana te fresket per kuzhine
  • 50gr feta djathi parmixhano
  • kripe
  • piper
  • pak vaj ulliri

Kaverdisim ne vaj ulliri qepen dhe hudhren te grira shume holle derisa te zbuten, shtojme lengun e perimeve, patatet e prera ne copeza te vogla (ne menyre qe te gatuhen sa me shpejt) dhe e leme te gjithe supen te zieje per rreth 15 minuta, apo derisa patatet te jene zbutur plotesisht.

Shtojme rukolen e lare duke hequr menjane ndonje gjethe per dekorim, panen e kuzhines dhe e cojme serisht ne vlim per disa sekonda. E kalojme te gjithe masen ne mikser derisa te formojme nje krem dhe e rregullojme me kripe dhe piper.

E sherbejme ne pjate te zbukuruar me fetat e djathit parmixhano dhe disa gjethe rukola.

Ne stinen e veres, kete supe mund te servirm edhe te ftohte duke shtuar mbase edhe 2 apo 3 karkaleca te vegjel te ziere ne cdo pjate.