https://unegatuaj.com

Home
Ëmbëlsira
Krem pastiçerie klasik

Filloni modalitetin e leximit

min

0 0

Përbërësit

	...për 750 ml krem:
	500 ml qumësht me shumë yndyrë
	2 lugë gjelle plot miell ose niseshte
	6 lugë gjelle plot sheqer
	6 e verdhë veze
	vanilje ose lëkurë limoni/portokalli

Krem pastiçerie klasik

një nga krëmërat më të përdorur për ëmblësira të tilla si myfle, pastashu, binjè etj

Kuzhina::

Italiane

Sekreti për të përftuar një krem perfekt qëndron në hedhjen dalëngadalë të përbërjes me sheqer, vezë dhe miell në qumështin e ngrohtë dhe e gjithë masa vendoset në zjarr të avashëm duke u përzierë shpesh.

15 Min
E thjeshtë

Përbërësit

...për 750 ml krem:
500 ml qumësht
me shumë yndyrë
2 lugë gjelle plot miell
ose niseshte
6 lugë gjelle plot sheqer
6 e verdhë veze
vanilje
ose lëkurë limoni/portokalli

Udhëzimet

Duke qenë se ky krem nuk e ruan formën e tij, është mirë të bashkohet me një krem më të qëndrueshëm (psh Krem gjalpi) në mënyrë që të formohen zbukurime të ndryshme mbi torta.

Për Kremin e Pastiçerisë të lehtë (pa vezë), klikoni këtu.

Hapat

1 Kryer	Fillimisht, vendosim qumështin për t’u ngrohur në zjarr mesatar përveç një gote e cila do të na nevojitet në një fazë të mëvonshme. E lëmë disa minuta mbi zjarr dhe më pas e heqim duke shtuar aromën e vaniljes apo aroma të tjera.
2 Kryer	Në një enë (joalumini) rrahim të verdhat e vezëve me sheqerin me ndihmën e një mikseri, shtojmë miellin, qumështin e ftohtë që kemi hequr mënjanë dhe vazhdojmë rrahjen. Këtë masë të përftuar ia shtojmë qumështit të ngrohtë në tenxhere duke vazhduar rrahjen me mikser edhe për disa çaste.(Kujdes! Nëse qumështi nuk është më i ngrohtë, e vendosim përsëri në zjarr.)
3 Kryer	Vendosim në zjarr të avashëm të gjithë përbërjen duke e përzierë me ndihmën e një piruni apo teli për rrahje dhe e lëmë për pak minuta derisa masa të trashet dhe të mos jenë formuar kokrriza. E heqim nga zjarri dhe e lëmë kremin të ftohet duke e përzierë herë pas here.
4 Kryer	*Këshillë: Nqs përdorni lëkurën e limonit apo të portokallit për të aromatizuar kremin, vendoseni kur qumështi është akoma i ftohtë (në fillim) dhe hiqeni kur ai të jetë i vakët (në fund). Nqs doni të evitoni formimin e një “shtrese” në sipërfaqen e kremit kur ky ftohet, mbulojeni me një letër celofoni apo me një pecetë të lagur apo hidhni pak gjalp sipër.