Tag Archives: Receta me çokollatë

Kek me avokado, kungull të njomë dhe çokollatë të zezë

  • Racione: 6-8 persona
  • Vështirësi: e thjeshtë
  • Shtype

Kek me avokado

Ju ka shkuar ndonjehere ndermend te perdorni kungullin e njome dhe avokadon ne nje embelsire? Nese jo, duhet patjeter te provoni kete kek me çokollate! Me besoni qe butesia dhe aroma e tij ndersa piqet, do ti bej te gjithe te harrojne qe ne brendesi ndodhen edhe fruta edhe perime… Per me teper ne kete recete nuk eshte perdorur as vaj dhe as gjalpe, vetem yndyra qe permban natyralisht avokado, qe eshte super e shendetshme!

Perberesit per nje forme drejtkendore 28cm

  • 150gr miell 00
  • 50gr kakao te hidhur
  • 1 luge çaji pluhur pjekes me vanilje
  • 1 luge çaji kanelle pluhur
  • 1/2 luge çaji kripe
  • 2 veze
  • 1 avokado te bute, te shtypur me pirun
  • 230gr sheqer te bardhe
  • 3 kunguj te njome, te grire ne rende
  • 150gr çokollate te zeze me 65% kakao, te grire imet (ose copeza çokollate)

Kek me avokado1Bashkojme ne nje ene duke i situr nje nga nje te gjithe perberesit e thate: miellin, kakaon, pluhurin pjekes, kanellen dhe kripen.

Ne nje tjeter ene rrahim me pirun vezet, shtojme avokadon, sheqerin, kungujt e grire dhe çokollaten e zeze. Shtojme edhe perzierjen me miell e kakao duke i trazuar mire derisa te formohet nje brume i njetrajtshem.

Lyejme me pak vaj dhe miell nje forme drejtekendore me gjatesi 28cm, hedhim ne te brumin e kekut dhe e nivelojme me kujdes.

E pjekim ne furre te parangrohur ne 180°C per 45-50 minuta, duke bere gjithmone proven e pirunit. E leme te ftohet plotesisht perpara se ta presim ne feta. Ky kek eshte ideal nese konsumohet ne vere me pak akullore me vanilje ose ne dimer me pak krem pana te rrahur.

Advertisements

Kek me çokollatë të zezë dhe arrë kokosi

  • Racione: 8-10 persona
  • Vështirësi: e thjeshtë
  • Shtype
kek me cokollate te zeze dhe arre kokosi1

Veshtire te gjeni nje kombinim me perfekt se ai i çokollates se zeze me arren e kokosit. Dhe veshtire te gjeni nje embelsire qe pregatitet ne vetem 10 minuta! Keku qe do tju propozojme sot eshte ideal per çdo moment te dites, por sidomos per mengjet e fundjaves atehere kur kemi deshire per diçka ndryshe nga ditet e tjera. Eshte i bute ne brendesi dhe krokant ne siperfaqe, gje qe vjen si pasoje e çokollates me te cilen eshte lyer.

Perberesit

  • 200gr miell 00
  • 100gr kakao pluhur pa sheqer
  • 150gr sheqer
  • 50gr arre kokosi te grire
  • 3 veze ne temperature ambjenti
  • 250ml qumesht
  • 50ml vaj farash (luledielli, misri etj)
  • 1 pako te vogel pluhur pjekes per embelsira

..per lyerje

  • 150gr çokollate te zeze
  • arre kokosi te grire

Me ndihmen e nje mikseri elektrik, rrahim shume mire vezet me sheqerin derisa te formohet nje perberje kremoze. Shtojme vajin dhe qumeshtin dhe vazhdojme perzierjen.

Ne nje tas, perziejme perberesit e thate duke i situr nje nga nje: miellin, kakaon, pluhurin pjekes dhe se fundi shtojme arren e kokosit te grire. Ja shtojme kete perzierje mases se mesiperme dhe vazhdojme rrahjen derisa te kemi perftuar nje brume homogjen.

Lyejme me vaj dhe pak miell nje forme per kek dhe hedhim ne te brumin duke e niveluar mire me ndihmen e nje spatule. E pjekim ne furre te parangrohur ne 160°C per rreth 40 minuta. E nxjerrim nga furra dhe e leme te ftohet brenda formes.

Nderkohe shkrijme çokollaten ne banjomari, ose ne nje tenxhere te vogel ne zjarr shume te ulet duke e perziere shpesh derisa te behet kremoze. Nxjerrim kekun nga forma dhe e lyejme me çokollaten e zeze. E sperkasim siper me arre kokosi te grire dhe e sherbejme te prere ne feta.

Tortë Kapreze

  • Racione: 8 persona
  • Vështirësi: e thjeshtë
  • Shtype
torte kapreze

Torta kaprese eshte nje embelsire me baze çokollaten e zeze dhe bajamet. Kombinimi i ketyre dy perberesve te shijshem e ben ideale per tu konsumuar per zemer apo mengjes. Mund ta ktheni edhe ne nje torte ditelindje thjesht duke i shtuar kremin tuaj te preferuar ne siperfaqe.
Nje tjeter e veçante e kesaj torte eshte qe nuk permban miell, gje qe e ben ideale per personat intolerant ndaj glutenit.
Receta me poshte eshte e shefit te famshem te pastiçerise Salvatore De Riso.

Perberesit per nje tave me diameter 24cm

  • 175gr sheqer
  • 175gr gjalp ne temperature ambjenti
  • 175gr çokollate te zeze me min.50% kakao, te grire
  • 75gr bajame, te reduktuar ne miell
  • 5 veze ne temperature ambjenti, te ndara te bardhat nga te verdhat
  • 30gr kakao e hidhur
  • 60gr niseshte patatesh
  • 1 pako e vogel pluhur pjekes
  • pak kripe
  • sheqer pluhur per sperkatje

Bashkojme ne nje ene therrimet e çokollates me niseshten, kakaon dhe pluhurin pjekes.

Rrahim gjalpin me sheqerin derisa masa te behet kremoze, shtojme nje nga nje te verdhat e vezeve duke i perziere shume mire. Shtojme çokollaten, niseshten, kakaon, pluhurin pjekes duke i perziere me ndihmen e nje spatule.

Ne nje tjeter ene rrahim te bardhat e vezeve me pak kripe derisa te perftojme nje krem kompakt. Shtojme me kujdes te bardhat e vezeve tek masa e mesiperme duke e perziere me delikatese nga poshte lart ne menyre qe brumi te mos e ule vellimin e tij. Ne fund shtojme edhe miellin e bajameve dhe e perziejme nje here te fundit.

Lyejme me gjalp dhe niseshte patatesh nje tave te rrumbullaket dhe hedhim ne te brumin duke e niveluar mire. E pjekim ne furre te parangrohur ne 170°C per 45 minuta. E nxjerrim menjehere torten nga forma dhe e leme te ftohtet plotesisht permbys ne temperature ambjenti. E zbukurojme me pak sheqer pluhur perpara se ta sherbejme te prere ne feta.

Foto nga: https://www.cucchiaio.it

Semifreddo me çokollatë të zezë (ëmbelsirë e ftohtë)

  • Racione: 8 persona
  • Vështirësi: mesatare
  • Shtype

Semifreddo-n per here te pare e kam provuar kete vere ne restorantin Living ne Tirane. Ishte diçka midis kremit dhe akullores, por me nje shije fantastike qe te shkrinte ne goje. Ne teori receta eshte e thjeshte: te verdha vezesh, sheqer, uje, krem per embelsira (pana) dhe çokollate te zeze. E vetmja veshtiresi qendron ne pasterizimin e te verdhave te vezeve me shurupin i cili duhet te arrije temperaturen 121°C. Keshtuqe nese nuk keni termometer kuzhine, me mire mos e provoni.

Perberesit per 8 persona

  • 8 te verdha vezesh
  • 500ml krem per embelsira (pana) e parrahur + pak krem i rrahur per zbukurim
  • 200gr çokollate e zeze e ndare ne copa
  • 180gr sheqer
  • 50ml uje
  • pak kakao pluhur per sperkatje

Shkrijme ne banjomari çokollaten e zeze duke e perziere lehtesisht. E leme menjane te ftohet nderkohe qe pregatisim shurupin qe na nevojitet per pasterizimin e te verdhave te vezeve. Vendosim ne nje tenxhere te vogel ujin me sheqerin dhe e leme te vloje ne zjarr te ulet duke e perziere here pas here. Sapo shurupi te kete marre vale, vendosim brenda tij termometrin e kuzhines dhe e leme derisa temperatura te kete arritur 121°C. Per kete nevojiten rreth 5 minuta.

Rrahim te verdhat e vezeve me nje rrahes elektrik derisa masa e formuar te jete kremoze. Shtojme shume ngadale shurupin me uje e sheqer dhe vazhdojme rrahjen derisa kremi te arrije temperaturen e ambjentit. Shtojme çokollaten e shkrire e cila tashme eshte ftohur dhe i perziejme mire.

Ne nje ene tjeter rrahim fort kremin per embelsira. E bashkojme me kremin me veze dhe çokollate duke e perziere me delikatese me ndihmen e nje spatule kuzhine ne menyre qe vellimi te mos bjere. E ndajme ne 8 forma te veçanta ose e hedhim semifreddo-n ne nje forme te madhe te rrumbullaket apo te gjate te veshur me leter celofoni (ne kete menyre do jete me e lehte per ta nxjerre nga forma). E leme te ngrije ne akull per 8-12 ore. E nxjerrim nga forma dhe e sherbejme te sperkatur me pak kakao pluhur dhe krem te rrahur.

Kek me çokollatë të zezë dhe vaj ulliri (pa miell)

  • Racione: 8 persona
  • Vështirësi: e thjeshtë
  • Shtype
Torte me cokollate dhe vaj ulliri

Kombinimi I çokollates se zeze me vajin e ullirit mund te tingelloj pak cuditshem ne fillim, por ju siguroj qe ne shije te dyja shkojne mrekullisht mire.
Edhe nese perdorim nje vaj ulliri ekstra te virgjer me shije te forte, kjo nuk do te ndihet aq shume tek keku sa t’ja prishe shijen, perkundrazi… do ta bej edhe me te shkrifet dhe me zemer te bute.

Perberesit per nje tave me diameter 20cm

  • 200gr çokollate te zeze (min 70% kakao)
  • 125ml vaj ulliri I nje cilesie shume te mire
  • 180gr sheqer te bardhe
  • 5 veze te medha
  • 3 luge arra ose bajame ose lajthi te grira
  • nje maje luge kripe
  • sheqer pluhur per sperkatje

Parangrohim furren ne 180 grade Celcius.

Ndajme çokollaten ne copa dhe e shkrijme ne banjomari ne kete menyre: vendosim çokollaten ne nje tas metalik ose qelqi qe I reziston nxehtesise, te cilin e kemi zhytur ne nje tenxhere me uje qe eshte duke vluar. E perziejme here pas here ne menyre qe çokollata te shkrihet shpejt dhe uniformisht.
Shtojme pak nga pak vajin e ullirit dhe vazhdojme perzierjen me kujdes. Shtojme 120gr sheqer (afersisht 1/3) dhe e perziejme mire derisa ky I fundit te kete shkrire plotesisht.

E heqim enen nga banjomaria, shtojme frutat e thata, nje maje luge kripe dhe te verdhat e vezeve duke vazhduar perzierjen. E leme menjane kremin e çokollates.

Ne nje tjeter ene te paster, rrahim te bardhat e vezeve me 60gr sheqer derisa vellimi I tyre te rritet dhe masa te mos bjere nga ena.

Bashkojme te bardhat e vezeve me kremin me çokollate duke i perziere me delikatese nga poshte lart me ane te spatule.

Lyejme me vaj ulliri taven e rrumbullaket dhe hedhim ne te brumin e kekut. E pjekim per 40 minuta, duke bere gjithmone ne fund proven e pirunit.

E leme te ftohet plotesisht ne temperature ambjenti perpara se ta nxjerrim nga forma. Duke qene se ky kek nuk permban miell, siperfaqa e tij do te forcohet dhe plasaritet, por kjo eshte normale. Nderkohe brendesia do te rezultoje shume e bute dhe e shkrifet.

Ne momentin qe e sherbejme, e sperkasim me pak sheqer pluhur dhe e shoqerojme me krem pana te rrahur. Ky lloj keku shkon mrekullisht me nje filxhan kafe ekspres!

Foto nga: http://unbiscottoalgiorno.com

Brownies me kungull dhe çokollatë

  • Racione: 6-8 persona
  • Vështirësi: e thjeshtë
  • Shtype
Brownies me kungull dhe cokollate

Nje devijim i embel nga receta klasike e Brownit me çokollate! Nese nuk e keni provuar me pare kombinimin midis kungullit dhe çokollates jepini nje shans kesaj recete vjeshtore te pregatitur nga Ballakumja dhe ju sigurojme qe do ta pregatisni serisht… dhe serisht…

Perberesit

  • 280 gr tul kungulli
  • 170 gr çokollate me permbajtje te larte kakao
  • 250 gr miell
  • 280 gr sheqer
  • 120 gr gjalp
  • 60 ml vaj luledielli
  • 4 veze
  • 1 luge e vogel pluhur pjekes
  • 1 luge e vogel kanelle
  • arome vanilje
  • arre moskat
  • nje maje luge kripe

Parangrohim furren ne 180C.

Shkrijme ne banjomari çokollaten me gjalpin duke i vendosur keta dy perberes ne nje tas qe i reziston nxehtesise siper nje tenxhere me uje te vluar. I perziejme here pas here derisa te na jete formuar nje krem çokollate.

Rrahim per afro 5 minuta me ndihmen e nje rrahesi elektrik vezet me sheqerin dhe aromen e vaniljes derisa te na jete formuar nje perberje e fryre dhe me ngjyre te hapur.

Perziejme ne nje tas miellin e situr me pluhurin pjekes, arren moskate dhe kripen dhe ja shtojme mases me veze duke e perziere mire derisa te formohet nje brume homogjen. Brumin e ndajme ne dy tasa te veçante. Ne njerin hedhim çokollaten e shkrire me gjalpin ndersa ne tjetrin hedhim vajin e lulediellit, kungullin e reduktuar ne pure’ dhe kanellen.

Veshim me leter furre nje tepsi drejtkendeshe me anet jo shume te larta dhe shtrojme te dy masat duke i alternuar.

E pjekim brownin per afer 45 minuta. E leme te ftohet plotesisht per disa ore e me pas e presim ne copa per ta servirur.

Ruajtja: i vendosim browniet njera mbi tjetren duke vendosur pak leter furre midis tyre. I fusim ne nje ene te mbyllur hermetikisht dhe i ruajme ne frigorifer per maksimumi 3 dite. Ne ngrirje mund te ruhen deri ne 6 muaj duke i mbeshtjelle nje nga nje me leter furre.

&n

Krem Nutela e bërë në shtëpi

  • Vështirësi: e thjeshtë
  • Shtype
Nutela e bere ne shtepi

Nese edhe ju (ashtu si une) nuk e çoni me shume se nje jave kavanozin e Nuteles, atehere jeni duke lexuar receten e duhur! Kombinimi i lajthive te pjekura me çokollaten e zeze te nje cilesie te mire, do tju japin nje variant jo vetem me te shendetshem te Nuteles, por edhe me te shijshem! Prandaj mos u ndjeni ne faj qe sa here te hapni frigoriferin te hani nga nje luge, te pakten e dini qe po konsumoni diçka te pregatitur nga duart tuaja!

Perberesit per nje kavanoz

  • 250gr lajthi natyrale te qeruara
  • 100gr çokollate te zeze te nje cilesi shume te mire (ose çokollate me qumesht per femijet), te grire
  • 2 luge kakao pluhur pa sheqer te nje cilesie shume te mire
  • 2 luge sheqer kaf (kane)
  • 1 luge mjalt shumelulesh
  • 1 luge gjalp te nje cilesi shume te mire, ne temperature ambjenti
  • 1 luge te vogel vanilje
  • nje maje luge kripe

Parangrohim furren ne 150C.

I vendosim lajthite ne nje tave te shtruar me leter furre pa i mbivendosur me njera tjetren dhe i pjekim per rreth 20 minuta duke i perziere here pas here ne menyre qe te mos digjen. I heqim nga furra dhe i veme ne nje pecete te paster, i ferkojme mire me peceten per ti hequr lekuren e jashtme, por edhe nese ngel ndonje mos u shqetesoni: kjo nuk do te ndikoje ne shijen e Nuteles.

I hedhim lajthite e qeruara dhe te pjekura ne enen e mikserit elektrik dhe i grijme derisa te na formohet gjalpi i lajthive, mund te nevojiten deri ne 5 minuta. Shtojme gjalpin, sheqerin, vaniljen, kakaon pluhur dhe pak kripe. Vazhdojme perzierjen edhe per 2 minuta te tjera derisa e gjithe masa te homogjenizohet.

Shkrijme çokollaten e grire ne mikrovale dhe ja shtojme perberjes me siper bashke me mjaltin. Vazhdojme perzierjen edhe per 5 minuta te tjera derisa kremi te jete plotesisht i bute dhe pa asnje kokerriz te voegl lajthie apo çokollate.

Nutela e bere ne shtepi mund te jete pak e holle, por kini parasysh qe do te trashet nderkohe qe ftohet.

E ruajme ne frigorifer ne nje kavanoz hermetik per maksimumi 1 jave.

Foto nga: http://cake0rdeath.blogspot.com

Mafins me çokollatë

  • Vështirësi: e thjeshtë
  • Shtype

mafin me cokolate

Mafin me çokollate, jane nje tjeter variant i shijshem i mafins me copeza çokollate te cilat mund te serviren ne çdo moment dhe per te gjithe!

Perberesit per 20-25 mafin

  • 300gr miell 00
  • 300gr sheqer
  • 180ml qumesht me yndyre te plote
  • 4 veze
  • 150gr gjalp
  • 100gr çokollate te zeze te grire holle
  • 7 luge plot kakao pluhur
  • 1 pako te vogel vanilje
  • 1 luge te vogel pluhur pjekes
  • 1 maje luge sode buke
  • pak kripe
  • sheqer pluhur per sperkatje

Pregatitja e mafin me çokollate eshte teper e thjeshte:

Me ndihmen e nje mikseri elektrik rrahim mire gjalpin ne temperature ambjenti bashke me sheqerin, shtojme vaniljen dhe vezet nje nga nje duke patur parasysh te mos shtojme vezen e dyte nese e para nuk eshte thithur mire nga perberja. E hedhim kete mase ne nje tas te madh dhe e leme menjane.

Ne nje tjeter tas, bashkojme duke i situr fillimisht miellin, kakaon, pluhurin pjekes, soden e bukes dhe pak kripe. Shtojme edhe perberjen mesiper me veze dhe qumeshtin ne temperature ambjenti. Shtojme se fundi edhe çokollaten e grire imet dhe e perziejme brumin me ndihmen e nje spatule kuzhine derisa te homogjenizohet.

E hedhim brumin neper format e mafin duke mbushur 2/3 e tyre me perberjen dhe i pjekim ne furre te parangrohur ne 180°C per rreth 30 minuta. I leme te ftohen plotesisht, i sperkasim me pak sheqer pluhur ne siperfaqe dhe i sherbejme.

*Ruajtja: Mafin mund te ruhen 2-3 dite ne nje ene alumini te mbyllur hermetikisht apo brenda nje qese te mbyllur mire ne frigorifer.

Tortë me nutela dhe çokollatë të bardhë

Torte me nutela dhe çokollate ta bardhePer te gjithe adhuruesit e nuteles, po ju paraqesim receten e nje torte me te vertete te shijshme e cila sapo te pregatitet, nuk do rezistoje gjate ne kuzhinen tuaj!Perberesit

…per kekun me nutela

  • 200gr miell
  • 120gr sheqer
  • 3 veze mesatare
  • 3 luge plot nutela
  • 150ml qumesht
  • 20gr gjalp i shkrire ne mikrovale
  • 1 pako te vogel pluhur pjekes
  • pak kripe

…per kremin e pastiçerise me çokollate te bardhe

  • 250ml qumesht
  • 2 te verdha vezesh
  • 1 luge plot miell
  • 2 luge plot sheqer
  • 250gr çokollate te bardhe

…per shtresen e jashtme (sipas deshires)

  • sheqer pluhur ose
  • çokollate te bardhe te shkrire ose
  • krem nutela

Pregatisim kremin e pastiçerise sipas recetes qe e gjeni ketu, dhe ne momentin e fundit, kur eshte akoma i nxehte, shtojme çokollaten e bardhe te prere shume holle. E perziejme mire ne menyre qe te çokollata te shkrihet plotesisht, e hedhim ne nje tas, e mbulojme me leter transparente dhe e leme te ftohet ne temperature ambjenti.

Pregatisim bazen e tortes duke rrahur me ndihmen e nje mikseri elektrik te verdhat e vezes me sheqerin derisa perberja te rezultoje e fryre dhe me ngjyre te hapur. Shtojme nutelen dhe vazhdojme rrahjen edhe per disa sekonda. Shtojme qumeshtin, gjalpin dhe pak nga pak miellin e situr bashke me pluhurin pjekes.
Ne nje tjeter ene rrahim te bardhat e vezeve me pak kripe derisa te formohet nje mase qe nuk bie nga ena dhe ja shtojme kremit te mesiperm me te verdha vezesh. Ne menyre qe perberja te jete e njetrajtshme, e perziejme me kujdes nga poshte lart me spatul kuzhine.
E hedhim brumin ne nje tave me diameter 22-24cm te cilen e kemi lyer me pak gjalp dhe miell, dhe e pjekim ne furre te parangrohur ne 180°C per rreth 40 minuta.
Bejme proven e pirunit per te pare nese baza e tortes eshte pjekur edhe nga brenda dhe e leme te ftohet plotesisht ne temperature ambjenti.

Kur baza te jete ftohur, e ndajme ne dy pjese te barabarta horizontalisht dhe e mbushim me kremin me çokollate te bardhe dhe pak nutela duke e shperndare kete te fundit ne menyre te çrregullt mbi kremin. E vendosim torten ne frigorifer dhe ne momentin e servirjes e sperkasim me pak sheqer pluhur ne siperfaqe, me çokollate te bardhe te shkrire apo me krem nutela.

1 2 4