Përbërësit
-
250 gr fasule të bardha
-
1 degë selino
-
2 qepë e njomë
-
1 karrota
-
1 spec jeshil
-
1 kungull i njomë
-
200 ml salcë domateshose 2 domate të kaluara në mikser
-
1 lugë çaji spec i kuq i ëmbël
-
1 lugë gjelle majdanoz i freskët
-
1 lugë gjelle kopër e freskët
-
4 lugë gjelle vaj ulliri
-
kripë
Udhëzimet
Përveçse mjaft e shëndetshme sidomos për fëmijët, të cilët përpos vlerave të shkëlqyera të fasuleve (mbi të gjitha proteina bimore), marrin edhe vitaminat e perimeve “të maskuara” brenda në gjellë, ky gatim nuk do të rëndojë as xhepin tuaj. Sigurisht që mund ta personalizoni recetën sipas preferencave të familjes suaj, por perimet që ne i kemi shtuar më poshtë, i japin kësaj gjelle dimërore shijen maksimale!
Hapat
|
1
Kryer
|
Fasulet duan një kohë të gjatë për tu zierë, për këtë arsye i vendosim një natë përpara në një enë me ujë të ftohtë dhe një majë luge sodë buke. Nëse fasulet janë të reja, nuk është e nevojshme zbutja e tyre në ujë. |
|
2
Kryer
|
Në tenxheren ku do të gatuajmë fasulet, kavërdisim në zjarr mesatar në vaj ulliri qepën e njomë, selinon, karrotën, specin jeshil dhe kungullin e njomë të prera sipas dëshirës derisa të zbuten (2). Shtojmë salcën e domateve ose domatet e kaluara në mikser dhe vazhdojmë përzierjen edhe për pak minuta (3). |
|
3
Kryer
|
Shtojmë fasulet (4), rreth 1.5l ujë dhe i ziejmë të gjitha bashkë për 1-1.5 orë në zjarr të ulët. Unë preferoj tenxheren me presion, e cila e redukton kohën e gatimit në 30 minuta. Shtojmë pak spec të kuq të ëmbël, majdanoz, kopër, e rregullojmë me kripë (5) dhe i ziejmë akoma edhe për 10 minuta derisa e gjitha të marrë shije. Nëse shohim që ka shumë ujë, vazhdojmë zierjen derisa të arrijmë trashësinë e dëshiruar. E shërbejmë të spërkatur me pak vaj ulliri në sipërfaqe. |
|
4
Kryer
|
Ruajtja:Në frigorifer, në një tas të mbyllur hermetikisht për maksimumi 3 ditë. |
