Kërpudha në tigan

Me një lëvizje rrotulluese ndajmë kapelen e kërpudhave nga këmba, më pas me ndihmën e një thike me majë të mprehtë, pastrojmë këmbën nga dhèu që mund të ketë mbetur dhe të njëjtën gjë bëjmë me pjesën e sipërme dhe të poshtme të kapeles.Kalojmë një pecetë të lagur mbi sipërfaqen e kërpudhave dhe i presim në copa relativisht të mëdha.

Në një tigan hedhim vajin e ullirit dhe hudhrat e shtypura, shtojmë kërpudhat dhe i gatuajm në zjarr të avashëm për jo më shumë se 10 minuta. Disa minuta përpara se ti heqim nga zjarri i rregullojmë me kripë, piper, majdanoz të grirë dhe i servirim të ngrohta.

Kërpudhat nuk duhen larë kurrë nën ujë të rrjedhshëm, pasi në këtë mënyrë humbasin pjesën më të madhe të shijes dhe vlerave ushqyese. Por nqs ato janë vërtetë shumë të pista me dhè, i lajmë nën ujë të ftohtë sa më shpejt të jetë e mundur për pak sekonda dhe i fshijmë menjëherë.