Makarona Kaneloni me mish të grirë

Name: Makarona Kaneloni me mish të grirë
Total time: 45 min
Yield: 4
Cuisine: Italiane
Ingredients: makarona kaneloni: 16; mish i grirë viçi: 500 gr; qepë: 1; karrotë: 1; selino: 1/2 dege; hudhër: 1 thelpi; salcë domatesh: 400 gr; vezë: 2; djathë kaçkavall të grirë: 4 lugë gjelle; gjalp në temperaturë ambjenti: 2 lugë gjelle; kripë; piper i zi i sapobluar; qumësht: 500 ml; miell: 2 lugë gjelle; gjalp në temperaturë ambjenti: 2,5 lugë gjelle; arrë moskatë e grirë; kripë

Një recetë klasike e kuzhinës italiane

Kjo pjatë e parë është padyshim tepër e shijshme, por edhe shumë kalorike. Për këtë arsye nuk e gatuaj shpesh, por më nderon kur bëhet fjalë për një drekë familjare apo mes miqsh.

Kuzhina::

Italiane

Përbërësit

...për makaronat kaneloni
16 makarona kaneloni
500 gr mish i grirë viçi
1 qepë
të vogël
1 karrotë
të vogël
1/2 dege selino
1 thelpi hudhër
400 gr salcë domatesh
2 vezë
4 lugë gjelle djathë kaçkavall të grirë
2 lugë gjelle gjalp në temperaturë ambjenti
kripë
piper i zi i sapobluar
...për salcën beshamelë
500 ml qumësht
2 lugë gjelle miell
2,5 lugë gjelle gjalp në temperaturë ambjenti
arrë moskatë e grirë
kripë

Udhëzimet

Mbushja tradicionale e Kaneloni është me mish të grirë dhe gjizë e spinaq (recetën e së cilës do ta gjeni këtu). Megjithatë mjafton pak fantazi dhe këto makarona që për nga forma janë më antiket në botë, u përshtaten çdo familje dhe çdo kërkese.

Hapat

1 Kryer	Si fillim, ziejmë kanelonit në ujë të kripur për kohën që tregohet në ambalazh. Menjëherë pas zierjes i kalojmë nën ujë të ftohtë dhe i lëmë të kullojnë mbi një pecetë të pastër dhe të lagur.
2 Kryer	Pregatisim salcën beshamelë: Vendosim në zjarr të avashëm gjalpin, e lëmë të shkrijë dhe hedhim pak nga pak miellin duke e përzierë përbërjen në mënyrë energjike për disa minuta që të mos formohen kokërriza. Kështu kemi përftuar atë që francezët e quajnë roux [ru]. Heqim roux nga zjarri dhe i shtojmë pjesë pjesë qumështin e ngrohtë duke e perzierë me një lugë druri. E vendosim përsëri tiganin në zjarr derisa salca të filloj të ziejë dhe në këtë moment i hedhim pak kripë dhe pak arrë moskatë. E mbulojmë me kapak dhe e lëmë të ziejë në zjarr të avashëm për 10-15 minuta duke e përzierë herë pas here derisa të arrijë trashësinë e dëshiruar. E lëmë mënjanë.
3 Kryer	Pregatisim një salcë të thjeshtë. Shkrijmë gjalpin në një tigan të thellë dhe kavërdisim në të qepën, hudhrën, selinonë dhe karrotën të grira hollë derisa të zbuten (shtojmë pak ujë nëse është e nevojshme). Shtojmë mishin e grirë dhe e gatuajmë edhe për pak minuta duke e shtypur me dhëmbët e një piruni. Shtojmë salcën e domateve, e rregullojmë me kripë dhe piper dhe e lëmë mënjanë të ftohet pak. Së fundi, shtojmë edhe vezët dhe 2 lugë djathë kaçkavall të grirë duke e përzierë mirë.
4 Kryer	Me ndihmën e një luge të vogël, mbushim kanelonit me salcën me mish të grirë dhe i rendisim njëri pas tjetrit në një tavë ku kemi hedhur disa lugë salcë beshamelë në fund. I mbulojme sipër me salcën beshamelë të mbetur, 2 lugë djathë kaçkavall të grirë dhe i pjekim në furrë të parangrohur në 180°C për rreth 15 minuta, apo derisa sipërfaqa të ketë marrë ngjyrë të artë. I shërbejmë të ngrohta.