Paçe koke

Si fillim, pastrojmë kokën e viçit, e coptojmë dhe e vendosim në një enë me ujë të ftohtë në të cilën e lëme për rreth gjysmë ore. Ja derdhim ujin. E vendosim në një tenxhere, e mbulojmë me ujë të ftohtë dy gisht sipër dhe e vëme në zjarr të avashëm për të zierë derisa të formojë shkumë në sipërfaqe (kur të ketë marrë valë). Heqim shkumën, shtojmë qepët, selinon, karrotat, kripën, piperin dhe majdanozin e grirë hollë dhe e ziejmë derisa mishi mund të ndahet lehtë nga kocka. E lëmë të ftohet dhe ndajmë kockën nga mishi duke e prerë këtë të fundit në copa të vogla.

Në një tenxhere vendosim për të zierë lëngun e përftuar nga zierja e kokës, i hedhim vaj ulliri, salcën e domateve dhe kur e gjithë kjo të ketë marrë valë shtojmë copat e vogla të mishit, pak spec të kuq, kripë, piper të zi duke e gatuar në këtë mënyrë për rreth 10 minuta. Në fund paçen e rregullojmë me hudhra të shtypura dhe uthull.