Rizoto me kungull

Presim kungullin në kubik sipas dëshirës dhe e kavërdisim me një lugë gjelle gjalpë dhe gjethet e sherebelës.

Në një tjetër tigan, kavërdisim qepën me një lugë gjalpë, shtojme orizin dhe vazhdojmë kavërdisjen derisa orizi ta ketë thithur komplet yndyrën. E shuajmë me verën e bardhë. Shtojmë kungullin e kavërdisur dhe pak nga pak lëng perimesh derisa orizi të gatuhet plotësisht për 16-20 minuta. Pasi e heqim nga zjarri shtojmë një lugë gjalpë dhe djathin kaçkavall të grirë. I vendosim kapakun, e lëmë të pushojë 5 min dhe e shërbejmë.

•Pse në këtë rast kungulli kavërdiset më vete dhe jo bashke me orizin?
Sepse kungulli ka vetinë ta thithi komplet yndyrën më shpejtë sesa orizi. Ajo që orizin e bën të shkrifët tek rizoto është pikërisht gjalpi që ai përmban në brendësi të kokrrës.

•Pse e shuajmë me verë dhe a është e domosdoshme vera?
Vera i jep kremozitet rizotos dhe eleminon aromën e qepës. Mund edhe të mos e përdorni!