Përbërësit
-
500 gr miell 00
-
125 ml vaj ulliri
-
200 ml ujë
-
1 e 1/2 lugë kafe sodë buke
-
1 lugë kafe kripë
Udhëzimet
Receta origjinale kërkon përdorimin e dhjamit të derrit, ose strutto ne italisht. Por mundet shumë mirë ta zëvendësoni me vaj ulliri. Me masat më poshtë, dalin 8 piadine me diametër rreth 18cm.
Hapat
|
1
Kryer
|
Në një tas të madh përziejmë miellin me sodën e bukës dhe kripën, shtojmë ujin, vajin e ullirit dhe e përziejmë mirë derisa të përftojmë një brumë homogjen, por të fortë. E punojmë brumin për rreth 5 minuta me dorë e mbështjellim me letër celofoni dhe e lëmë të pushojë 30 minuta. |
|
2
Kryer
|
E ndajmë në 8 pjesë të barabarta, i japim formën e sferave duke i punuar pak me dorë dhe i lëmë të pushojnë për 30 minuta të tjera të mbuluara me letër celofoni. |
|
3
Kryer
|
Lyejmë tavolinën e punës me pak miell dhe i hapim me okllai sferat e brumit sa diametri i tiganit ku do ti gatuajmë. E vendosim secilën pite për tu pjekur në tigan shumë të nxehtë pa yndyrë në zjarr mesatar duke e lënë 1-2 minuta nga secila anë. Veprojmë në të njëjtën mënyrë edhe me pitet e tjera. Në fund, i mbushim sipas dëshirës me proshutë, djathë apo krem djathi, perime etj, i palosim në dy pjesë dhe i servirim të ngrohta. |
|
4
Kryer
|
Këshillë:Nëse pitet nuk i konsumojmë në moment, i vendosim nëpër qeset e posaçme të akullit dhe i ngrijmë kur të jenë ftohur. Më pas, i lëmë të shkrihen plotësisht në temperaturë ambjenti, i mbushim sipas dëshirës, i palosim, dhe i vendosim në furrë të nxehtë për rreth 5 minuta. |
Një koment Fsheh komentet
Bravo, shpjegim i qartë dhe i thjeshtë.