Përbërësit
-
1 kg sepie të pastruara
-
500 gr bizeletë freskëta ose të ngrira
-
1 qepë
-
2 lugë gjelle salcë domatesh
-
1/2 gote verë e bardhë
-
500 ml lëng perimesh
-
4 lugë gjelle vaj ulliri
-
pak majdanoz i freskët
-
kripë
-
piper i zi i sapobluar
Udhëzimet
Në recetën origjinale përdoren domate të freskëta dhe të qëruara nga lëkura, ose dy apo tre lugë salcë domatesh sa për ti dhënë pjatës një ngjyrë të kuqe. Kjo recetë është e lehtë dhe preferohet nga ata persona që nuk dëshirojnë të konsumojnë shumë yndyrë, por në të njëjtën kohë nuk heqin dorë nga shija dhe aroma.
Hapat
|
1
Kryer
|
Sepiet e pastruara më parë i presim në unaza nëse janë të mëdha, apo i lëmë të plota nëse janë të vogla. Në një tigan hedhim vajin e ullirit, shtojmë qepën e grirë hollë dhe e lëmë derisa të marrë ngjyrë të artë. Pas kësaj shtojmë sepiet, i kriposim, i piperosim dhe i shuajmë me gjysmë gote verë të bardhë. Kur kjo e fundit të ketë avulluar plotësisht, shtojmë pak nga pak lëngun e perimeve dhe i lëmë të gjitha bashkë të ziejnë për rreth 15 minuta të mbuluar me kapak. |
|
2
Kryer
|
Pasi ka kaluar kjo kohë, shtojmë majdanozin e grirë hollë, bizelet e freskëta (ose të ngrira), 2 lugë salcë domatesh dhe i lëmë të gatuhen përsëri edhe për 30 minuta të tjera në zjarr të avashëm duke i shtuar nëse është e nevojshme lëng tjetër perimesh. Përpara se të fikim zjarrin i rregullojmë me kripë dhe piper dhe i shërbejmë menjëherë. Të drejtat e imazhit i përkasin: www.dissapore.com |
Një koment Fsheh komentet
A behen te mira keto sepiet me bizele?