Përbërësit

Rregulloni nr e personave:

	...për 8 qofte:
	400 gr fasule të kuqe
	1 qepë e vogël
	1 thelpi hudhër
	5 lugë gjelle tërshërë petë
	2 lugë gjelle miell
	1 lugë gjelle salcë soje
	1 lugë gjelle mustardë
	2 lugë çaji spec i kuq i ëmbël
	1 lugë çaji kumin
	pak spec i kuq djegës
	kripë
	vaj ulliri

Vlerat ushqyese të recetës

10 gr

Proteina

12 gr

Yndyrna

31 gr

Karbohidrate

254

Kalori për 2 qofte/për person

Qofte me fasule të kuqe

Shumë të shijshme, dhe akoma më shumë të shëndetshme!

Karakteristikat::

Duke qenë se kisha disa fasule të hapura para ca ditësh, dhe familja sot më kërkoj qofte, bëra variantin vegan të tyre me fasule të kuqe (dmth bëra edhe qoftet me mish viçi të grirë edhe këto). Janë super të thjeshta, dhe sdo ndiheni në faj nëse hani edhe pak më shumë.

90 Min
Shërbehet per 4 pers.
E thjeshtë

Përbërësit

...për 8 qofte:
400 gr fasule të kuqe
1 qepë
e vogël
1 thelpi hudhër
5 lugë gjelle tërshërë petë
2 lugë gjelle miell
1 lugë gjelle salcë soje
1 lugë gjelle mustardë
2 lugë çaji spec i kuq i ëmbël
1 lugë çaji kumin
pak spec i kuq djegës
kripë
vaj ulliri

Udhëzimet

Hapat

Kryer

Presim shumë hollë qepën dhe hudhrën dhe i kavërdisim në pak vaj ulliri në zjarr të ulët derisa të zbuten. Fasuleve i kullojmë lëngun e konservimit, por pa i shpëlarë dhe i shtypim me pirun. I hedhim në tas, shtojmë qepën e zbutur, tërshërën, miellin dhe të gjitha erëzat me rradhë. E punojmë shumë mirë brumin me dorë dhe e lëmë të pushojë për minimumi 1 orë. Sa më shumë ta lëmë të pushojë brumi, aq me i shijshëm bëhet.

Kryer

Hedhim pak vaj ulliri në një tigan dhe e ngrohim fort, vendosim qoftet dhe e ulim zjarrin në minimum, duhet të gatuhen 10 minuta nga secila anë, kështu që llogariteni vet. I shërbejmë me pak sallatë jeshile dhe vakti është i plotë!