Salcë Beshamel

Për të pregatitur beshamelën si fillim vendosim në zjarr të avashëm gjalpin, e lëmë të shkrijë dhe hedhim pak nga pak miellin duke e përzierë përbërjen në mënyrë energjike për disa minuta që të mos formohen kokërriza. Kështu kemi përftuar atë që francezët e quajnë roux [ru]. Heqim roux nga zjarri dhe i shtojmë pjesë pjesë qumështin e ngrohtë duke e perzierë me një lugë druri.

E vendosim përsëri tiganin në zjarr derisa salca të filloj të ziejë dhe në këtë moment i hedhim pak kripë dhe pak arrë moskatë. E mbulojmë me kapak dhe e lëmë të ziejë në zjarr të avashëm për 10-15 minuta duke e përzierë herë pas here derisa të arrijë trashësinë e dëshiruar.

*Këshillë: Kur pregatisim beshamelën (sidomos nëse jemi fillestar) është mirë që gjalpin dhe miellin të mos i përziejmë mbi zjarr: mielli ka vetinë të skuqet shumë shpejt duke formuar kokrriza të cilat janë shumë të vështira për tu tretur. Prandaj heqim një moment tiganin nga zjarri, shtojmë miellin, e përziejmë derisa të shkrihet në gjalp dhe më pas hedhim qumështin duke e vendosur sërisht në zjarr të avashëm.

Sipas recetes që po pregatisim, bashkë me qumështin mund të shtojmë edhe lëng perimesh nqs duam të shoqërojmë këto të fundit me salcë, apo erëza të ndryshme nqs duam të shoqërojmë mishin ose peshkun.
Sërisht sipas kërkesave të recetës kryesore, salca beshamel mund të bëhet më e trashë duke shtuar më shumë miell apo më e hollë duke shtuar më shumë qumësht.