Omeleta suflè eshte nje alternative shume e shijshme e omeletes klasike, pasi nese ne kete te fundit vezet rrihen te plota, ne omeleten suflè te bardhat rrihen veç dhe te verdhat veç, duke i bashkuar ne fund. Kjo ben qe ne perberje te hyje me shume ajer dhe rrjedhimisht omeleta te rezultoje me e bute dhe te marre nje shije te veçante.

Perberesit

• 8 veze
• 40gr gjalp
• pak hudher gjarpri te fresket ose te thate
• kripe
• piper

… per mbushjen

• 8 feta proshute te pjekur
• 150gr djath kaçkavall i grire dele (ne pamundesi mund te perdorni edhe lope)

Rrahim ne nje ene te verdhat e vezeve bashke me pak kripe, piper dhe hudher gjarpri derisa te formohet nje perberje e fryre dhe me ngjyre te hapur.

Ne nje tjeter ene, rrahim te bardhat e vezeve me pak kripe derisa te formohet nje mase qe nuk bie nga tasi. E shtojme kete perberje ne tasin me te verdha vezesh dhe e perziejme me kujdes nga poshte lart ne menyre qe te mos bjere vellimi.

Ne nje tigan te ceket, shkrijme pak gjalp dhe hedhim ne te 1/4 e perberjes me veze. Sapo omeleta te filloj te mpikset, e kthejme nga ana tjeter, vendosim ne mes te saj 2 feta proshute, pak djath te grire dhe e palosim ne forme libri duke e gatuar edhe per 1 minute tjeter. Veprojme ne te njejten menyre edhe me 3 omeletat e tjera.

I sherbejme te ngrohta shoqeruar me sallate te stines.