Byrek me gjizë dhe vezë

Nëse ka një recetë që me kujton fëmijërinë, ai është byreku. Atëherë kur petët hapeshin një nga një dhe shtëpia kundërmonte era gjalpë... Sot jam munduar të rizgjoj ato kujtime me byrekun me gjizë e me vezë.

Kuzhina::

Shqiptare

Përbërësit

600 gr brumë byreku
sipas recetës më lartë
...për mbushjen:
800 gr gjizë me kripë
4 vezë
2 lugë gjelle gjalp
1 lugë çaji nenexhik

Udhëzimet

Është shumë e vështirë që këtu në Gjermani të gjesh produkte që shijojnë aq shumë sa në Shqipëri. Hera e parë që gjeta gjizë që i afrohej pak në shije… rezultati doli fantastik!

Si fillim, pregatisim brumin e byrekut sipas recetës që do ta gjeni këtu. Me këto përmasa del një byrek me madhësinë e tavës katrore të furrës.

Hapat

1 Kryer	Pregatisim brumin e byrekut sipas recetës më lartë dhe e lëmë të pushojë për 30 minuta.
2 Kryer	Pregatisim mbushjen: Rrahim vezët me pak kripë (nëse gjiza është e kripur, mos shtoni kripë më tepër). Shtojmë gjizën dhe i përziejmë mirë. I japim shije në fund edhe me pak nenexhik të freskët ose të thatë.
3 Kryer	Lyejmë tavën e byrekut me pak gjalp në fund ose shtrojmë letër furre. Vendosim në fund 6 petë byreku, shtojmë gjysmën e mbushjes me gjizë dhe vezë, 3 peta të tjera, gjysmën tjetër të mbushjes, dhe sipër 6 petët e fundit.
4 Kryer	Palosim anët në mënyrë që të mos dalë mbushja gjatë pjekies dhe e pjekim byrekun në 200°C për 50-60 minuta. Pas pjekies sipërfaqen e lagim me pak ujë dhe e mbulojmë me pecetë të pastër. E lëmë të pushojë 10-15 mintua përpara se ta presim.