Bakllava

Share

Bakllavaja eshte nje embelsire qe ne vendin tone serviret veçanerisht diten e Vitit te Ri. Tradicionalisht, pregatitja e brumit, dhe me pas e peteve nga gjyshet shqiptare behet disa dite perpara, dhe thuhet se çdo pjestar i familjes duhet te haje nje cope bakllava ne menyre qe viti qe vjen te jete me fat.

Perberesit per nje tave me diameter 35-40cm
…per petet

• 1kg miell 00
• 7 veze (4 te plota dhe 3 te verdhat)
• 230ml vaj luledielli (ose 1 filxhan)
• 250ml qumesht (ose 1 filxhan)
• 1/2kg gjalp i shkrire ne mikrovale
• niseshte per sperkatje

…per mbushjen

• 1/2kg arra te qeruara dhe te pjekura (sipas deshires edhe bajame, lajthi etj)
• 1 luge te vogel kanelle
• 1 maje luge karafil

…per sherbetin

• 3 filxhan uje
• 3 filxhan sheqer
• 1 filxhan mjalte
• 4 luge leng limoni
• 1 shkop kanelle
• pak vanilje

Parangrohim furren ne 140°C.

Pregatisim si fillim mbushjen duke bashkuar ne nje tas arrat e qeruara, te pjekura dhe te prera ne copeza te vogla me kanellen dhe karafilin. E leme ne nje ane dhe vazhdojme me hapjen e peteve.

Ne nje ene te madhe, rrahim vezet me ndihmen e nje teli kuzhine, shtojme qumeshtin, vajin dhe pak nga pak miellin derisa te perftojme nje brum te bute. E ndajme brumin ne 4 pjese te barabarta dhe secilen prej ketyre pjeseve ne 15 sfera te vogla, pra gjithesej duhet te perftojme 60 sfera te cilat me pas do te hapen ne pete. Nderkohe qe hapim petet, pjesen tjeter te brumit e mbulojme me nje pecete te lagur ne menyre qe te mos thahet.

Ne tavolinen e punes, hedhim pak niseshte dhe hapim nje sfere brumi me diameter 15-17cm (ne varesi te taves qe do te perdorni per te pjekur bakllavane), te cilen nuk harrojme ta sperkasim me niseshte edhe ne siperfaqe ne menyre qe te hapet sa me lehte dhe te mos çahet. Veprojme ne kete menyre derisa te kemi hapur 15 peta, me pas i vendosim njera siper tjetres dhe e hapim ne nje pete te vetme. E vendosim peten e pare te perbere nga 15 peta te holla ne taven e lyer me gjalp dhe i hedhim 1/4 e gjalpit te shkrire ne siperfaqe. Ne te njejten menyre veprojme edhe me petat e tjera, duke formuar edhe 3 peta te perbera nga 15 peta te holla.

Siper 15 petave qe vendosem ne tave dhe i sperkatem me gjalp, vendosim edhe 15 te tjera dhe me pas shtrojme mbushjen me arra. E sperkasim siperfaqen me 1/4 e gjalpit, shtrojme grupin e trete dhe te katert te petave dhe ne fund e sperkasim siperfaqen me gjalpin e mbetur. E presim ne forme rombesh dhe e pjekim per 2-3.5 ore, apo derisa siperfaqa te kete marre ngjyre te arte. Nese veme re qe siperfaqa po merr shume ngjyre, e mbulojme me nje leter alumini dhe vazhdojme pjekjen.
E leme te ftohte plotesisht ne temperature ambjenti dhe pregatisim shurupin:

Vendosim ne nje tenxhere ujin, sheqerin, mjaltin, shkopin e kanelles, vaniljen dhe lengun e limonit. E ziejme egzaktesisht 7 minuta qe nga fillimi i marrjes vale te shurupit duke e perziere ne menyre qe sheqeri dhe mjalti te shkrihen plotesisht. Pas kesaj, eleminojme shkopin e kanelles dhe ia hedhim bakllavase tashme te ftohte derisa ta thithi te gjithe sherbetin.

*Keshille: Petet e hapura vet mund ti zevendesojme edhe me petet e blera te gatshme ne supermarket… vetem se shija do te jete shume shume larg asaj origjinales!