Sterilizimi i kavanozëve dhe vazove

Share

Sterilizuesi është një lloj i veçantë tenxhere e cila përdoret posaçërisht për të sterilizuar vazot dhe kavanozat, e përbërë nga një numër i caktuar vendesh të cilat shërbejnë për të ruajtur dhe izoluar kavanozat e qelqit gjate zierjes. Por, në mungesë të tij mund të perdorim fare mirë një tenxhere të madhe dhe të rëndë, me diametër të paktën 40cm në të cilën mund të sistemojmë vazot që i kemi mbështjellë më parë me një pecetë të pastër (secilën prej tyre veç e veç).

Dmth është e rëndësishme që gjatë zierjes, vazot të mos përplasen me njëra tjetrën (për të evituar krisjet apo thyerjet e tyre) dhe as me fundin e tenxheres. Sterilizimi në këtë pikë bëhet në një mënyrë fare të thjeshtë: vendosen vazot në tenxhere (ose në sterilizator), mbulohen komplet me ujë të ftohtë dhe e gjithë tenxherja çohet në vlim në zjarr të fortë.

Kur të kenë arritur pikën e vlimit, e ulim zjarrin në minimum dhe vazhdojmë zierjen në zjarr të avashëm për të paktën 30 minuta. Pasi të ketë kaluar koha e nevojshme, heqim kavanozat nga tenxherja vetëm kur uji të jetë plotësisht i ftohur!