https://unegatuaj.com

min

Përbërësit

	1 kg pjeshkë të pjekura mirë
	400 gr sheqer
	1 lëkurë e grirë limoni

Vlerat ushqyese të recetës

0 gr

Proteina

0 gr

Yndyrna

9 gr

Karbohidrate

Kalori për 2 lugë çaji reçel

Reçel pjeshke

Reçeli i pjeshkës është një nga recetat më të njohura të konservave dhe si i tillë mund të shijohet në çdo stinë.

Pregatitja e tij është fare e thjeshtë, për këtë arsye mund të mbushni disa kavanoza të cilët do ti konsumoni gjatë stinës së dimrit, veçanërisht në mëngjes të lyera mbi feta buke të thekura me gjalp. Ne do t’iu japim recetën e reçelit klasik dhe disa këshilla praktike për të përfituar një reçel unik dhe tepër të shijshme.

E thjeshtë

Përbërësit

1 kg pjeshkë
të pjekura mirë
400 gr sheqer
1 lëkurë e grirë limoni

Udhëzimet

Parapregatitje: Vendosim një pjatë të vogël në akullin e frigoriferit e cila do të na nevojitet për provëzën.

Hapat

Kryer

Si fillim lajmë pjeshkët, i thajmë me letër kuzhine, qërojmë lëkurën, heqim bërthamën dhe i presim në copa të vogla. I bashkojmë me sheqerin, me lëkurën e limonit dhe i vendosim në një tenxhere të thellë (jo alumini) në zjarr të ngadaltë duke i përzierë shpesh. Në varësi të llojit të pjeshkë, koha e pregatitjes varion nga 1 orë deri në 1 orë e gjysmë. Për të provuar që reçeli është bërë siç duhet, bëjmë provën e pjatës që kemi vendosur në akull: hedhim mbi të një lugë të vogël reçel, e lëmë për disa çaste të ftohet dhe e anojmë pjatën nga njëra anë. Nëse reçeli nuk bie dhe qëndron kompakt atëherë ka arritur trashësinë e duhur dhe receta jonë është gati.