Pjata të para

Pite e mbushur me fileto pule

  • Racione: 1 person
  • Vështirësi: shumë e thjeshtë
  • Shtype

pite e mbushur me fileto pule2

Nese deshironi nje vakt te shijshem, por nuk keni shume deshire te gatuani, pitet e mbushura jane pikerisht ato qe ju duhen! Mund ta mbushni brenda me çfare te deshironi, por e rendesishme eshte te kene: nje perberje kremoze (djathe i shkrire apo majoneze), nje proteine (mish pule, viçi, peshk, veze), nje sallate (jeshile, rukola, spinaq) dhe pak zarzavate te gjalla (domate, kastraveca, finok, avokado) te cilat e bejne me krokante. Me poshte, po ju propozoj variantin tim:

pite e mbushur me fileto pule1

Perberesit

  • 1 pite gruri e gatshme (piadina, tortija etj)
  • majoneze
  • rukola
  • 1 fileto pule e pjekur/skuqur, e prere ne copa te vogla
  • 1/4 avokado, e prere ne copa te vogla
  • 1 domate e thare, e prere holle
  • pak finok, i prere holle

E vendosim piten ne tavolinen e punes dhe e lyejme me pak majoneze. Hedhim rukola ne te gjithe siperfaqen e saj, me pas shtojme me rradhe perberesit e tjere: copezat e filetos se pules, te avokados, domates se thare dhe finokut. E rrotullojme mire, e ndajme ne dy pjese dhe e sherbejme.

*Keshille: Nese doni ta pregatisni vete piten, ndiqni receten tone duke klikuar ketu.

Supë krem me thjerrëza

  • Racione: 4 persona
  • Vështirësi: e thjeshtë
  • Shtype
Supe krem me thjerreza

Supat krem jane ideale per stinen e ftohte te dimrit, shoqeruar me pak buke te thekur dhe vaj ulliri ne siperfaqe. Kjo eshte nje nga ato receta qe te ngrohin zemren dhe te bejne te ndihesh ne shtepi. Thjerrezat, perveçse shume te pasura me hekur dhe mjaft te shendetshme, jane ushqimi ideal edhe per femijet pasi treten shume lehte. Filloni ti mesoni edhe bebat me ushqimet qe ha e gjithe familja, duke nisur nga muaji i 8 i jetes. Perpara se ti shtoni supes kripen, hiqni nje apo dy garuzhde, kalojeni ne site ne menyre qe te eleminoni lekuren e thjerrezave dhe jepjani  bebit te sperkatur me pak vaj ulliri.

Perberesit

  • 250gr thjerreza te thata
  • 1 qepe e kuqe
  • 1 dege selino
  • 1 karrote
  • 1 patate e embel (ose patate normale)
  • 1 spec i kuq
  • 2 gjethe dafine
  • nje maje luge pluhur kerri
  • vaj ulliri
  • kripe
  • per servirje: krem pana, buke te thekur

Vendosim ne zjarr nje tenxhere me 1.5l uje. Shtojme thjerrezat e thata dhe te gjitha perimet e prera ne menyre te çrregullt: qepen e kuqe, selinone, karroten, specin e kuq dhe pataten e embel. Shtojme ne fund edhe gjethet e dafines dhe i ziejme ne zjarr te ngadalte per rreth 40 minuta.

E kalojme supen ne mikser derisa te perftojme nje krem homogjen dhe e veme serisht ne zjarr. Shtojme kripe, vaj ulliri, kerri dhe vazhdojme gatimin edhe per 2 apo 3 minuta. E ndajme neper tasa dhe e sherbejme te ngrohte shoqeruar me krem pana dhe buke te thekur.

Takos të shpejtë

  • Racione: 4 persona
  • Vështirësi: e thjeshtë
  • Shtype

takos te shpejte

Nese ju pelqen kuzhina meksikane apo ajo tex-mex, mos e lini pa provuar kete recete te shijshme dhe shume te thjesht per tu pregatitur. Tako (taco) eshte nje pjate tipike meksikane e perbere nga nje lloj pite misri e cila mund te jete krokante ose e bute (soft shell/hard shell). Ndryshe nga tortija (tortilla) e cila ka nje dimension me te madh, tako eshte me vogel ne diameter, afersisht 20cm. Mbushja mund te behet me mish, pule, peshk, fruta deti apo vegjetariane. Zgjidhni perberesit qe i pershtateten me se miri shijes se familjes suaj. Me poshte po ju tregoj variantin tim:

Perberesit per 10 takos

  • 10 pite misri te forta
  • 500gr salçiçe e fresket puljeze (mund te perdorni edhe salçiçe normale, mjafton te jete e fresket)
  • 3 luge gjelle salce domatesh
  • piper i zi i sapobluar
  • spec i kuq i embel (paprika)
  • spec i kuq djeges

..per salcen me avokado (guakamole)

  • 1 avokado e pjekur mire (e bute)
  • 5 domate qershize, te prera holle
  • 1 qepe e njome, e prere holle
  • lengun e 1/2 limoni jeshil
  • 1/2 tufe majdanoz (nese gjeni koriander akoma me mire), e grire imet
  • vaj ulliri

…per salcen me kos

  • 3 luge gjelle salce kosi
  • 1 luge gjelle kos
  • lekuren e 1 limoni jeshil te grire

Pregatisim perberjen me salçiçe duke eleminuar lekuren e holle qe i rrethon dhe duke i ndare ne copa te vogla. I vendosim ne tigan ne zjarr te larte pa vaj dhe fillojme ti shtypim me dhembet e nje piruni derisa te ndryshojne ngjyre, te leshojne yndyren e tyre dhe te skuqen. Shtojme salcen e domateve, specin e kuq djeges, specin e kuq te embel, piperin e zi dhe i heqim nga zjarri duke i vendosur ne nje tas.

Pregatisim salcen me avokado: shtypim avokadon me dhembet e nje piruni, shtojme domatet qershize, qepen e njome, lengun e limonit jeshil, majdanozin dhe pak vaj ulliri duke i perziere shume mire.

Pregatisim salcen me kos: perziejme ne nje ene salcen e kosit me kosin dhe lekuren e limonit jeshil.

Marrim pitet e misrit te gatshme dhe i mbushim ne fillim e nje luge gjelle salçiçe, nje luge çaji salce me avokado dhe pak salce me kos.

Supë krem me pulë dhe të verdhë veze

  • Racione: 4 persona
  • Vështirësi: e thjeshtë
  • Shtype

Kjo eshte nje nga supat krem me te mira qe kam provuar ndonjehere! E shijshme, e ushqyeshme si per te rritur ashtu dhe femije dhe mjaft e tretshme per organizmin.

Perberesit

  • 1 gjoks pule i plote (300-400gr), i prere ne kubik
  • 2 patate te medha
  • 3 karrota te medha
  • 1 dege selino
  • 1 qepe
  • 1 presh, vetem pjesa e bardhe
  • 1 spec i kuq
  • 3 luge gjelle miell
  • 4 luge gjelle gjalp
  • 2 te verdha veze
  • kripe
  • per shoqerim: leng limoni, koper e grire holle, gjalp i shkrire

Ne nje tenxhere te thelle, shkrijme 2 luge gjelle gjalp dhe kaverdisim kubiket e pules bashke me te gjitha perimet te ndara ne 4 pjese (patate, karrota, selino, qepe, presh dhe spec i kuq). Shtojme 1.5l uje dhe i ziejme per 1 ore, ose per 30 minuta ne tenxhere me presion.

Ne nje ene te madhe, kullojme lengun e pules me perime dhe nga perimet marrim vetem patatet, karrotat dhe copezat e pules te cilat i kalojme ne mikser bashke me pak leng perimesh.

Ne tenxheren e thelle, shkrijme 2 luget e mbetura te gjalpit dhe kaverdisim ne te miellin derisa te marre ngjyre te arte (roux). E shuajme me lengun e perimeve te cilin e shtojme pak nga pak. Shtojme se fundi edhe purène me pule, patate e karrota dhe e leme supen edhe per pak minuta ne zjarr derisa te arrije trashesine e deshiruar.

Ne nje tas rrahim te verdhat e vezeve me kripe, e hollojme me pak uje apo leng perimesh dhe ja shtojme dalengadale supes qe kemi akoma ne zjarr duke e perziere edhe per disa minuta.

Sipas deshires e shoqerojme me leng limoni te shtrydhur, pak gjalp te shkrire dhe pak koper te grire ne siperfaqe.

Njoki patatesh me spinaq, pana dhe proshutë

  • Racione: 4 persona
  • Vështirësi: e thjeshtë
  • Shtype
gnocchi-653x436

Njokit me patate, spinaq, pana dhe proshute, jane nje nga ato pjatat e shpejta te cilat gatuhen kur nuk ke shume nerva te gozhdohesh ne kuzhine, por ne te njejten kohe deshiron diçka tejet te shijshme… per te lepire gishtat le te themi…
Sigurisht qe shija e njokit te bere ne shtepi me ato te blera ne supermarket jane vite drite larg, por ndryshe nuk do te quhej nje pjate e shpejte apo jo?
Gjithesesi nese doni ti pregatisni vet, receten e gjeni ketu.

Perberesit

  • 1 pako njoki te gatshem 1kg 
  • 400gr spinaq i lare dhe i pastruar (mund te perdorni edhe spinaq te ngrire)
  • 1 pako pana kuzhine (200ml)
  • 200gr proshute e prere ne kubik te vegjel
  • djath kaçkavall te grire
  • vaj ulliri
  • kripe

Ne nje tigan me pak vaj ulliri, vendosim spinaqin dhe e kaverdisim ne zjarr te ulet per 10 minuta duke e perziere here pas here. Spinaqi eshte gati kur uji ka avulluar dhe ka dal pothuajse i thate. E hedhim ne nje pjate dhe e leme menjane.

Ne te njejtin tigan, shtojme edhe pak vaj ulliri dhe kaverdisim proshuten derisa te marre pak ngjyre, shtojme spinaqin, panen e kuzhines dhe pak djath kaçkavall te grire.

Nderkohe ne nje tenxhere ziejme ujin me kripe, shtojme njokit dhe presim derisa te dalin ne siperfaqe (do te nevojiten pak a shume 2-3 minuta). I kullojme dhe i hedhim ne tiganin ku kemi pregatitur salcen duke i perziere me kujdes.

I sherbejme te ngrohte sperkatur me djath te grire.

Kosto per 4 persona: 700 lek te reja

Foto nga: http://www.americastestkitchenfeed.com

Si ta ripërdorim mishin e mbetur të qengjit

  • Racione: 4 persona
  • Vështirësi: e thjeshtë
  • Shtype
makarona me mish qengji

Mjafton vetem pak fantazi, dhe çdo ushqim qe ka tepruar nga nje dite me pare, feste apo ditelindje mund te shnderrohet ne nje recete krejtesisht te re.
Sot me mishin e mbetur te qengjit pregatita dy receta te reja:
-Makarona me ragu qengji
-Supe me perime me leng qengji

  1. Makarona me ragu qengji

Perberesit

  • mish qengji nga ai qe ka tepruar nje dite me pare, i pastruar nga kockat
  • 1 qepe e prere holle
  • 1 karrote e prere holle
  • 1 dege selino e prere holle
  • 2-3 domate  te kaluara ne mikser ose salce domatesh
  • 1/2 gote vere te bardhe
  • 1 gjethe dafine
  • pak trumez
  • kripe
  • vaj ulliri

Kaverdisim ne zjarr te ulet ne vaj ulliri qepen, karroten dhe selinon. Shtojme mishin e qengjit te cilin e kemi prere ne copa te vogla dhe e shuajme te gjithen me vere te bardhe. Shtojme domatet, dafinen, pak trumez, kripe, nje gote uje dhe e ziejme salcen per rreth 1 ore duke shtuar uje kur eshte e nevojshme.
E perdorim ragune me mish qengji si salce per makaronat (ato qe i pershtaten me shume jane tipi pappardelle).

2. Supe me perime me leng qengji

Perberesit

  • kockat qe kane mbetur nga mishi i qengjit
  • 1 qepe e ndare ne kater pjese
  • 1 karrote e ndare ne dy pjese
  • 1 dege selino e ndare ne dy pjese
  • perime sipas deshires: brokoli, lulelaker, karrota, patate te prera ne copa te vogla
  • 2 luge miell
  • 3 luge gjalp
  • koper
  • majdanoz
  • kripe

Ziejme kockat e mishit te qengjit bashke me qepen, karroten dhe selinon ne uje te ftohte per rreth 1 ore. Pas kesaj i kullojme dhe ruajme vetem lengun.
Ne tenxhere shkrijme gjalpin dhe kaverdisim ne te miellin derisa te marre ngjyre te arte. Shtojme lengun e qengjit dhe i perziejme shpejt ne menyre qe te mos formohen kokerriza. Shtojme perimet qe deshirojme, kripe dhe i leme te ziejne per 20-30 minuta. I japim shije supes me koper dhe majdanoz dhe e sherbejme te ngrohte.

Foto nga:http://chefbolek.blogspot.al

Rosnica me pulë

  • Racione: 4-6 persona
  • Vështirësi: e thjeshtë
  • Shtype
rosnica

Rosnicat me pule jane nje pjate karakteristike e zones se Myzeqese, te cilat gatuheshin me se shumti nga gjyshet tona per te nderuar miqte qe vinin ne shtepi! Jane te perhapura gjithashtu edhe ne zonen e Vlores ku quhen “pule/zog me therrime” apo ne zonen e Korçes “pule me dromka”.
Rosnicat nuk jane gje tjeter veçse “therrime brumi” te perbera nga veze dhe miell (kujdes, nuk duhet ti shtoni uje, qumesht apo kos!) dhe te shkerrmoqura shume imet me dore.

Perberesit

  • 1 pule (aq me mire nese eshte fshati) rreth 1 kg te prere ne copa
  • 2 veze
  • rreth 10 luge miell (shiheni me sy)
  • 3 luge gjalp
  • kripe

Ziejme pulen ne uje me kripe per rreth 40 minuta. Nese pula eshte fshati, koha e gatimit zgjatet deri ne 1 ore.
Nderkohe pregatisim brumin e rosnicave: ne nje ene hedhim dy vezet dhe shtojme pak nga pak miell derisa brumi te rezultoje shume i forte. E therrmojme ne therrime shume te imta me dore.
Ne nje tigan te madh shkrijme gjalpin dhe skuqim rosnicat duke i perziere gjate gjithe kohes derisa te marrin ngjyre te arte.
I leme te ftohen pak ne temperature ambjenti dhe i hedhim tek lengu i pules duke i lene te ziejne edhe per rreth 5 minuta derisa te zbuten dhe lengu te trashet.

I sherbejme te sperkatura me pak leng limoni.

*Keshille: Nese doni ti shtoni pak ngjyre pjates, kaverdisni pak qepe te prere shume holle me pak salce te kuqe domatesh dhe shtojani rosnicave.
Personalisht, perdor kete recete baze per te pregatitur lengun e pules (kliko Leng pule). Asnjehere nuk e dime sesa e fresket eshte pula, dhe duke e ziere me perime te tjera i heqim ate aromen jo shume te kendshme qe shumekush nuk e pelqen (sidomos femijet).

Foto nga: http://food52.com

Si të gatuajmë orizin Basmati në mënyrë perfekte

  • Racione: 4 persona
  • Vështirësi: e thjeshtë
  • Shtype
oriz-basmati

Basmati eshte nje lloj orizi I bardhe qe rritet ne Indi dhe Pakistan, me kokrra te stergjatura, delikat ne shije dhe me arome te kendshme . Emri I tij ne gjuhen Hinduishte perkthehet pikerisht “mbreteresha e shijes”. Versioni me I shtrenjte I ketij orizi eshte “Dehra Dun”, I cili kultivohet ne rreze te malit te Himalajes.

Orizi qe gjejme me se shumti ne tregun tone, e ka kokrren me te plote dhe per kete arsye kerkon nje kohe gatimi me te zgjatur.
Orizi basmati perdoret per te shoqeruar pjatat e dyta si per shembull pulen me salce kerri, filetot e pules ne zgare, mishin e vicit me pak leng, apo edhe thjesht i bardhe me pak gjalp e djath te grire.

Por, si ta gatuajme kete oriz ne menyren me te mire, qe te mos behet si qull dhe kokrrat te mos ngjiten me njera tjetrin?

  1. Kontrollojme orizin nga papastertite (mund te kete ndonje guricke te vogel, insekt, gjethe etj) dhe e masim duke e hedhur ne nje gote. Zakonisht nje gote uji oriz eshte I mjaftueshem per 4 persona, nese e perdorim si garniture, apo per 2 persona, nese e perdorim si pjate kryesore.
  2. E hedhim ne nje ene te madhe dhe e lajme nen uje te ftohte te rrjedhshem disa here derisa uji te rezultoje pothuajse transparent. Kjo ndihmon qe te eleminohet sa me shume niseshteja qe ndodhet ne siperfaqen e kokrrave.
  3. E leme te zbutet te mbuluar me uje te ftohte per te pakten 20 minuta (por edhe me shume). Ky hap eshte mjaft I rendesishem, pasi ben qe kokrrat e orizit te thithin uje dhe te mos copetohet e ngjiten gjate zierjes. Gjithashtu zvogelojne ndjeshem edhe kohen e gatimit.
  4. E vendosim orizin ne nje kulluese deri ne momentin qe do ta gatuajme (per te pakten 10 minuta).

GATIMI

Ne nje tenxhere hedhim 1 gote e gjysme uje, per 1 gote oriz, shtojme kripen dhe sapo uji te filloje te zieje shtojme orizin duke e perziere vetem nje here. Sapo orizi te marre vale, ulim zjarrin dhe vazhdojme gatimin derisa uji te shterroj plotesisht dhe te jene formuar ato vrimat tipike.

E heqim nga zjarri, shtojme copezat e gjalpit (ose vajin e ullirit), dhe pa e perziere I vendosim kapakun duke e lene keshtu te “gatuhet” me avullin e tij edhe per te pakten 10 minuta (apo derisa ta sherbejme).

Ne momentin e servirjes, I ndajme kokrrat nga njera tjetra me ndihmen e nje piruni dhe e vendosim ne pjate.

Sasia e ujit varet nga lloji I orizit : raporti mund te jete 1:1, 1:1.5 apo 1:2. Kete mund ta kuptoni vetem me kalimin e kohes!

Foto nga: https://dreamvacationsindia.wordpress.com

Pilaf me krem djathi dhe speca të pjekur

  • Racione: 4 persona
  • Vështirësi: e thjeshtë
  • Shtype

Pilaf me krem djathi dhe speca te kuq
Recete e Ballakumes. Perfekte per te filluar me shije darken e Krishtlindjes!

Perberesit

  • 1 gote oriz per pilaf
  • 100gr djath i bute kaçkavall
  • 100ml pana kuzhine
  • gjalp
  • trumez
  • kripe
  • piper
  • speca te kuq te pjekur

Pregatisim pilafin sipas recetes tradicionale 2 me 1, pra per 2 gota leng pule/gjeli/perimesh, hedhim 1 gote oriz. Pasi orizi eshte ziere, e aromatizojme me gjalp dhe e leme menjane.

Specat e kuq i presim ne shirita te holle, i kriposim, i japim shije me pak trumez dhe i pjekim ne furre te parangrohur ne 180C derisa te zbuten (rreth 30 minuta).
Vendosim nje tenxhere ne zjarr te ulet dhe hedhim ne te panen dhe djathin e prere ne kubik te vegjel. I perziejme derisa djathi te shkrihet plotesisht, e rregullojme me kripe e piper dhe e leme menjane.
Pregatisim pjaten: vendosim ne fundin e pjates pak krem djathi dhe siper tij pilafin te cilit i kemi dhene forme sipas deshires. (nese nuk ju ndodhet forma e yllit, mund te mbushni thjesht nje filxhan çaji me pilaf, ta ngjeshni fort dhe ta permbysni). E zbukurojme me specat e pjekur dhe pak majdanoz sipas deshires.